[A:5]
'khor lo tha ma'i rjes 'brang dpal ldan jo nang pa'i rang lugs byung tshul dngos bshad pa |
de lta bu'i 'khor lo tha ma'i rjes 'brang gi dpal ldan jo nang pa'i rang lugs | 'phags yul du ji ltar byung tshul dang | bod du ji ltar byung ba'i tshul bshad pa gnyis las |
le'u dang po | jo nang pa'i rang lugs 'phags yul du ji ltar byung tshul |
'phags yul du ji ltar byung ba'i tshul la | mdo phyogs nas rim par brgyud tshul dang | sngags phyogs nas rim par brgyud tshul gnyis las |
dang po | mdo phyogs nas rim par brgyud tshul |
dang po mdo phyogs nas rim par brgyud pa'i tshul ni | ston pa yang dag par rdzogs pa'i sangs rgyas de nyid kyis gdul bya rnams kyi khams dbang dang mthun par chos kyi 'khor lo rim pa gsum ji ltar bskor ba'i tshul yang | mdo lang kar gshegs pa las | ji ltar nad pa nad pa la | | sman pas sman ni gtong ba ltar | | de bzhin sangs rgyas sems can la | | sems tsam du yang ston par mdzad | | ces dang | dbu ma rin chen 'phreng bar yang | brda sprod pa dag ji lta bar | | yi ge phyis mo klog 'jug ltar | | de bzhin sangs rgyas gdul bya la | | ji tsam bzod pa'i chos ston to | | zhes gsungs pa ltar | 'jig rten na sman pa mkhas pas nad pa dag gi khams brtags nas rang rang la