[A:135]
de na chos rje 'dis thugs dam mthil yan lag drug gi rnal 'byor nyams bzhes gtso bor mdzad nas mun khang du sgrub pa kho na la gzhol bas yan lag drug gi rang rang lam rtags khyad par can gyi drod tshan la gdengs tshud cing | rmi lam 'od gsal gyi snang bar thub pa chen pos chos kun gyi bdag por bskos pa dang | jo bo rje | kun mkhyen dol po pa | drung dka' bzhi pa sogs brgyud ldan bla ma dag gi zhal gzigs kyi snang ba yang yang byung nas thugs gnas lugs mchog gi dgongs klong gshis su rdol te gshin don sogs gzhan don la byon bzhud mdzad skabs chibs kyi steng nas mnyam rjes gcig tu 'dres shing 'di snang 'gag ste gar thal ma go ba'i ngang nas gnas yul nges med du chibs kha rang bskyod kyis nyin zhag gcig tsam re lus song ba'i lo rgyus yod |
khong gis yig drug dung phyur gcig dang phyed ljags bzlas mdzad cing | 'gro don yang rdo 'dzi smra gsum | rnga rong sde lnga | lho rwa bzhi gnyis kyi skye 'gro gson gshin mtha' dag la rlabs chen gyi phan bde spel te gson gyi skyabs 'jug dang gshin la gnas 'dren gyi mdzad bzang gis kun la snyoms pa'i brtse gzigs nam yang ris su ma chad pa'i 'gro don rgya chen mdzad skabs su grub pa'i brtul zhugs kyi spyod pa rlabs mtho bas me chu g.yang sa sogs 'byung ba'i gnod pa gang gis glags mi rnyed cing 'khrul zhig rnal 'byor chen pos 'jigs pa gang la'ang bag tsha ba med pa'i mi 'jigs pa mchog la mnga' brnyes pa zhig ste | gang gis rnam dkar gyi mdzad sgo yang rang re'i bstan dgon 'dzam thang gi lha gsar rnam rgyal gling gi 'du khang sogs gtsug lag khang nyams pa gang dag slar gso dang | sku rten byams pa'i zab thang gsar bzhengs mdzad cing | gsung rten yang rin chen gser dngul gyi khu bas bka' chos sha chung ma zhes grags pa sogs gsung rab du ma legs bzhengs dang | khyad par thugs rten ngo mtshar ba rgya kha bkra shis gling gi rtag brtan mchod rten zer ba jo nang sku 'bum chen mo'i chags tshul dang mthun pa nang du lha khang brgya rtsa can ches ya mtshan pa mdo smad du 'gran zla bral ba'i rten mchog khyad par ba gsar bskrun mdzad pa sogs dang | gzhan yang de skabs su 'dzam thang 'dir 'dus pa ches mang pos dbang lung sogs 'chad nyan dang rim gnyis kyi lam zab mo nyams bzhes mdzad pa'i sgo gtsang dag kho na kun gyis yid smon bya ba'i gnas su gyur pa'ang sngon gtsang blo gros rnam rgyal phebs pa dang chos rje gang nyid kyis gtsor gyur de skabs kyi bstan 'dzin skyes chen dag gi dgongs spyod mchog gi grub 'bras su nges la | khyad par chos rje khong nyid bstan dgra tshar gcod cing bstan 'gro la phan pa rlabs chen mdzad pa'i mthu nus ches rgyas pa yin na'ang sngon rong kIrti'i lha dmag dang mthu 'gran byed pa de sku thog ma'i rgyal ba seng ge nyid yin phyir chos rje 'di ba ma yin mod 'on kyang 'di skabs su'ang khong nyid kyis rong kIrti'i byad kha phyir bzlog mdzad pa sogs rtags mtshan khyad par ba ches ngom pa'i lo