[A:136] rgyus ni yod rigs su gda' | khong gi mdun nas chos kyi 'brel thob pa yang ches mang zhing | skabs der bstan pa'i sbyin bdag yang gnam skos 'jam dbyangs gong ma tA ming rabs khrin kun gyis srid khri bzung ba'i mjug tsam la gong ma nyid nas chos rje
'di'i drung du gser yig pa sngon bzhin mngags te bka'yig, dang kwan ting gu shre'i las kas cho lo 'ja' sa sogs gnang sbyin dang bcas gus bkur che ba mdzad cing | bod ljongs yongs kyi mnga' bdag gtsang stod rgyal po sde srid phun tshogs rnam rgyal gyi sku sras kun dga' rab brtan dbang gi rgyal po'am karma bstan skyong dbang po zhes su 'bod pa gang gis yang khong la 'ja' sa sogs kyi legs skyes gnang | khams phyogs 'di'i mi dbang rdo'i wa shul dpon yab sras dang | bod chos rgyal gyi gdung brgyud tsha ba rgyal po sangs rgyas 'bum sogs sku thog dang mnyam pa'i sa chen skyong ba gang dag gis bla mar bkur te bstan pa'i sbyin bdag kyang mdzad | de 'dra'i bstan 'gro la sman pa'i mdzad sgo che ba dang bcas khong nyid dgung grangs gnyis tsam nas ngo mtshar ba'i ltas bcas re zhig ljongs 'dir gzugs sku'i bkod pa bsdus te gshegs mchod dgongs rdzogs gdung rten bcas legs grub bgyis so | |
'di'i sku tshe'i stod tsam na sa skya'i sngags 'chang grags pa blo gros rgyal mtshan dang | rjes sor rim pas de'i sras sngags 'chang kun dga' bsod nams byon pa dang | chos rje'i sku tshe stod du | 'dzam gking sgar rgyal dbang karma zhwa nag bcu pa chos dbyings rdo rje dang | zhwa dmar drug pa'i sku tshe'i smad tsam dang | go shri lnga pa mi pham grags pa mchog dbyangs | stag lung thang pa bkra shis dpal grub | 'bras spungs sprul sku blo bzang rgya mtsho sogs dang | bod kyi chab srid dbang 'dzin gtsang pa rgyal po kun dga' rab brtan dbang gi rgyal po dang | sku sras rgyal bu dbang chen dpal 'bar sogs kyi dus yin na'ang rab byung bcu gcig pa'i lcags sbrul lor dus kyi 'pho 'gyur che ba byung ba'i dbang gis chos rje 'di'i sku tshe'i smad tsam la bod gtsang pa rgyal po'i srid dbang nyams pa nas bzung karma pa sogs re zhig bod ljongs nas gzhan du phebs song zhing | 'di dus bod kyi chos srid zung 'brel la dbang mdzad pa po ni sngar 'bras spungs sprul sku blo bzang rgya mtsho gang la sog gis las ka mtho ba'i srid dbang gi go sa sbyin nas de phan du rgyal dbang gong sa lnga pa chen po zhes yongs kyi bla mar bkur ba de nyid yin zhing | 'di nas bzung bod ljongs su spyir na bka' brgyud karma gam tshang gi bstan pa cha lag bcas la chag 'jig che ba dang de'i zhor byung du rang re'i bstan pa'i chos gzhi sogs kyang chag god kyi sgo rim pas byung bar brten chos srid de dag kyang da bar du nyams je rgud du song ba 'di ka ltar ro | | de dus su paN chen yang blo bzang chos kyi rgyal mtshan gyi sku tshe'i smad dang | blo bzang ye shes dpal bzang 'khrungs