[A:137] tsam dang | zhwa dmar bdun pa'ang 'khrungs tsam dang | gong ma chin rabs hrun kru'us srid khri bzung ba'i dus su mngon no | |
chos rje sku phreng lnga pa rgyal ba lhun grub grags pa |
5. sku phreng lnga pa chos rje go rgyal rgyal ba lhun grub grags pa'i lo rgyus ni | chos rje 'di ni rgyal rong go rgyal zer ba'i yul du shing stag lor bya smad ces pa'i rigs rus su yum gyi mngal nas dar dkar lta bu'i phru ma'i sbubs nas sku mngon par bltams ma thag zhal nas hrI Sti'i gsang sngags kyi sgra dag gsal can lan 'ga' gsungs | de nas cher bskyed de dgung lo gsum tsam na rdo la zhabs rjes gsal po bzhag | de nas rim pas klog sogs rig gnas 'ga' la sbyang ba mdzad | de nas dgung lo dgu lon dus su 'phags pa rigs gsum mgon pos zhal bstan te sku las 'od zer spros pa gzhon nu khong la thim bzhin zhal nas | 'gro ba'i don mdzad cig | ces pa'i lung bstan gnang |
de mtshams shig nas chos rje sku bdag khri ston dang bcas dgung lo bcu gsum gyi dus nas kyang yi dam lhag pa'i lha rdo rje 'jigs med kyi bsnyen sgrub tshad ldan byas pas lha'i gsal snang brtan pa'i dngos grub kyang thob | de nas chos rje'i sku dbon dam pa sogs kyi mdun nas thun mong so thar gyi sdom zhus te | mtshan rgyal ba lhun grub grags pa zhes gsol nas kun mkhyen jo nang pa'i rang lugs dus 'khor gyi dbang lung man ngag bshad khrid mtha' dag gsan te rim gnyis lam gyi chos tshul la sbyangs brtson gyis nges pa ji bzhin 'drong bar byas nas dgung lo bcu bdun skabs nas bzung dus kyi 'khor lo'i rim pa gnyis kyi rnal 'byor gnad khel nyams len gyis rtogs pa klong du gyur te rnam par mi rtog pa'i dbyings nas chos nyid stong pa'i gzugs kyi snang cha ches gsal ba la nar son par byas pas ma dag bem po gdos bcas kyi khams dag pa sgyu ma'i lus kyi lha sku rags pa dus 'khor dpa' bo gcig pa'i rnam can du gnas 'gyur te lcags khams la gser 'gyur gyi rtsis gser du bsgyur ba bzhin ma dag bem rjes dag chen stong gzugs kyi skur bar bar du rang gzhan thun mong gi mthun snang ngor rang snang la rnam bkod ches gsal zhing gzhan dag gis ji bzhin blta bar mi nus pa'i rang bzhin du 'gyur 'gro ba can zhig ste 'di skabs nas kyang rtogs pa phul du byung ba mnga' brnyes shing | de mtshams skor re zhig nas khong gis rang re'i nges don sgrub brgyud kyi bstan pa sgo kun nas ches spel ba la dgongs bzhed mdzad nas gtsang grub chen cha lung sku dbon gang 'dzom zhig khams phyogs su bstan don la phebs dgos tshul gyi snyan zhu legs 'bul gyi ched pho nya btang nas cha lung ba khong nyid phebs kar ma 'dzoms kyang sku dbon gtsang ngag dbang rnam rgyal khams 'dzam thang du gdan drangs nas thog mar chos rje go rgyal ba khong gis gtsang pa dpon slob la tshe dbang dang sbyong rgyud bcu gnyis kyi dbang bka' yongs