[A:140] shig nas chos rje khong 'dzi ka'i smad kyi char gtogs sgye ma'i gnas lung byang chub rtser gzims khang dang bcas par yun ring sgrub pa la rtse gcig tu gzhol ba'i tshul gyis rgyun bzhugs mdzad skabs gnas der rdo la zhabs rjes gsal po dang gdugs shing gi rjes de lugs ltar gyi ya mtshan pa rdo ngor bzhag pa sogs grub pa'i rtags kyi mtshan ma ches mang po mthun snang du da dung mjal du yod ces grags skad |
'di skor ci rigs su 'dzin ka'i nor bu thang du sog rgyal bya sna can gyi dmag dpung lhags te chos rje la gtug 'ong dgos thul gyi bka' phebs drag po'i sgo nas ched du chos rje dang sog rgyal mjal 'phrad kyi skabs chos rje nyid rdo rje 'jigs mdzad kyi sku'i rnal 'byor bzhengs pa'i gzi brjid sog rgyal gyis ma bzod nas khong nyid khri steng nas lhung ste sa la 'gyel nas bla srog phrogs te snying la gzer nad kyis shi yang zer | la la'i snang ngor de skabs chos rje drag shul gyi mdzad sgo stag lpags bslangs pa'i sbyor ba la brten nas gcan gzan dmar yag rgya stag rngam pa ches stobs dang rtsal 'bar bas sog rgyal gdug can gyi srog la rgol te sgo gsum gyi stobs kun nas nyams par byas bzhin bsgal te sha khrag gi zas dang skom la ci dgar rol nas pha rol gdug can bsad par mthong ba sogs thabs tshul sna tshogs pa'i drag po'i cho 'phrul gyis bstan la sdang ba tshar bcad de chag sgo che ba dang bcas sog dmag yang phyir la log de rjes su chos rje khong gi sbyin bdag mgo log nag thar zer ba sngar sog dmag gis bsad pa'i dge rdzongs su mchod rten nag rgyag zer ba bzhengs skabs su de'i 'og tu sog rgyal gyi ro du ma mnan pa dang | sog rgyal gdug pa'i glo sning phyug ste 'dzam thang khang dmar mgon khang du puTa'i phyag tu bzhes yod pa dang | de ma zad sog rgyal rta yi ske 'khor sogs chas 'ga' re da lta'i bar du'ang mgon khang der yod mngon gsal ltar ro | |
gzhan yang de phyogs su 'dzi'i sgom khang zer ba sogs chos rje 'di'i bzhugs gnas kha shas re yang yod tshod du 'dug | 'di'i rnam dkar gyi bya ba rten bzhengs yang go rgyal bka' chos su grags pa gser dngul gyis bzhengs pa sogs sku gsung thugs rten yang mang tsam du bzhugs la | 'di yan la 'dzam thang dgon yang grong nag dang ma 'dres pa'i gtsang dag go | | tshul de lta bu'i sgo nas sku tshe mthar phyin gyi mdzad 'phrin 'dir re zhig rdzogs mthar dgung grangs re gsum me 'brug lo'i dus skabs ngo mtshar ba'i dge mtshan dang bcas gzugs sku chos dbyings su thim mo | | 'di gshegs rdzongs gdung rten bcas legs par bsgrubs shing | 'di dang sku thog mnyam pa sa skya'i sngags 'chad bsod nams dbang phyug | de'i sras kun dga' bkra shis gnyis kyi dus dang | de'i sras bsod nams rin chen 'khrungs tsam dang | bod ljongs rgyal ba tshangs dbyangs rgya mtsho | skal bzang rgya mtsho gnyis dang | paN chen blo bzang ye shes dpal bzang gi sku tshe smad tsam dang | karma zhwa nag bcu gcig pa ye shes