[A:167] gzhan gyi don sgrub pa la sgo gang thad nas rlabs chen gyi mdzad pa bzang po can zhig go |
arge sku phreng gsum pa krma don dam |
3. sku phreng gsum pa arge karma don dam ni | bstan 'gro la mdzad 'phrin gyi sgo rab tu yangs pa zhig ste 'di'i lo rgyus kyi khungs ma rnyed la | 'di skor zhig tu arge glo med zer ba zhig kyang byung bas de ni dbugs thengs gcig la 'jam dpal mtshan brjod cha tshang zhig shad kyis klog 'don byed thub pas mtshan la glo med du grags shing | khong gi phyag bzo rdo mnyen lag mthil tsam gyi nang ngos su ltung bshags kyi lha so lnga dang phyi ngos su gu ru rin po che rje 'bangs nyer lnga'i sku brnyan legs mdzes 'bur du dod pa sogs ngo mtshar 'phrul gyis legs bskrun grub rtags kyis byas rjes ches mang ba dang | tshe ldan gnas spar ba sogs khyad mtshar can zhig kyang byon tshod du 'dug pas de pas de sku phreng 'di dang gcig yin min rtsar ma chod |
arge sku phreng bzhi pa 'phrin las rab brtan |
4. sku phreng bzhi pa 'phrin las rab brtan ni | skyabs mgon mkhar ba rdo rje chang gi mdun nas zab dgu'i gdams ngag rgya che ba ji bzhin legs nod mdzad nas nyams len rtogs pa mchog tu rgyas shing gzhan gdul bya slob tshogs kyang mang tsam 'dus par grags kyang de yang de las khungs ma rnyed |
arge sku phreng lnga pa bstan pa'i sgron me |
5. sku phreng lnga pa bstan pa'i sgron me'am rab gsal rgya mtsho ni | sbyangs pa skyabs mgon gyi thugs sras su gyur te zab chos kyi bdud rtsis thugs rgyud legs phyug mdzad nas nyams len gyis mngon rtogs mchog brnyes shing gdul bya 'dul ba'i mdzad bzang gyi spyod sgo yang ches khyad par ba zhig ste gang gi thugs dgongs snang ba dbang bsgyur gyi rtogs pa zab mo'i klong du gshis lhug par 'byor tshabs che bas ya mtshan grub rtags kyi bkod pa rdo la phyag gis mar bcad pa ltar byas 'phral phyag mdzub kyis hrIH yig gser gyi rang bzhin ser lam mer legs 'bri mdzad cing sku'i zhabs mthil du dung dkar gyi sha mtshan dang sku la dug gi me mda' dbal tsha ba du mas bsnun kyang 'jig bral rdo rje lta bu'i ngang tshul gyis mtshon gyi gnod pa med pa dang 'tshe byed kyi mi stobs can du mas sku g.yo 'gul tsam yang mi nus shing 'byung ba chu la bskur kyang ma khyer ba sogs mthu nus zla bral gyi lo rgyus bsnyon med ches mnga' ba'i sprul pa'i sku zhig go | 'di'i yang sprul sku skyes chung ba gnyis da lta mtsho sngon du 'khrungs yod cing | de dag la dus phyis su tshes bcu smad ces pa'i ming chags so | |
drung dka' bzhi pa'i dngos slob chos rje gzhon nu rgyal mtshan ni | sngon kun mkyen chen pos |