[A:168] chu bo gyen du 'khyil ba'i lho phyogs su | sogs kyis lung bstan pa ltar 'dzi stond du chos rje rgyal ba bzang gis gzhung lam gyi ba g.yag mtsho chu gyen du khrid de rdza lung gi stod du 'khyil bar byas yod pa de'i lho phyogs kyi gdong brgyud ki ma ri zer ba'i ri 'bur gyi steng du chos rje gzhon nu rgyal mtshan gyis sku tshe smad du pho brang btab cing bzhugs gnas mdzdpa gang de ni thog mar sku na chung ba'i skabs drung dka' bzhi pa'i mdun nas rang lugs nges don gyi chos gtso bor gyur pa'i mdo sngags yongs rdzogs rig gnas bcas la gsan sbyang rgya cher mdzad cing zab don nyams bzhes kyis rtogs pa mchog brnyes pas mkhas grub gnyis ldan bstan 'gro'i rtsa lag che bar gyur te don gnyis sgrub pa'i mthu phul du byung ba'i skabs shig nas 'dzi stod du gong smos bzhin bzhugs gnas kyi pho brang dang de'i thad kyi pha gi'i gdan steng la bshad sgrub zung 'brel gyi chos sde che ba btab cing der dol po ba'i bka' pod drug gi 'chad nyan gyis rdzogs ldan mchog gi nges don bstan pa'i rgyal mtshan rmang nas legs 'degs mdzad de lung dang rtogs pa'i chos tshul ches 'phel bzhin pa'i dgon sde'i chos grwa dar rgyas che ba yod cing mnga' thang gi stobs 'byor sgo kun nas rgya bskyed de chos grwa dang khong gi pho brang bar phan tshun dril g.yer gyi 'phreng bas sbrel zhing ngo mtshar che ba'i dar po che sogs rgyas spros bkod pa dang khong gi sku phreng rim byon sogs re zhig gi bar mdzad sgo mtshar che ba yod na'ang da lta dus dbang gis shul tsam du gyur cing khyad par chos grwa'i shul de'i phyis su a skyong bla mas dgon pa la kha gsar 'debs byas pa da bar du yod pa 'di ka ltar yin zhing | 'di'i sku phreng gnyis pa sku skyes smon lam dbang phyug rgyal mtshan dpal ni chos rje dpal 'byor bzang po'i thugs sras bu chen bcu gsum gyi ya gyal mdo dang sngags kyi chos tshul rgya che bas thugs rgyud mngon par gtams shing nang rtogs yon tan gyi sgo rab tu yangs pa'i mkhas btshun bzang po'i phul du byung ba bstan 'gro la'ang phan pa byed nus pa zhig dang rdza dpal sprul rin po che gzhon nu rgyal mtshan gyi yang sprul yin tshul nyid kyis zhal bzhes bzhin jo lugs la phan pa rgya cher mdzad pa ste de sogs 'gro phan spel ba'i sku skyes 'ga' re byung rigs su 'dug kyang lo rgyus kyi khungs ma rnyed la | de lta bu'i drung dka' bzhi pa'i thugs sras bu chen dag gi bstan 'gro la phan pa'i mdzad sgo ches ngo mtshar ba'i sprul bkod sku phreng gi rim pa mdo tsam song nas |
(5) 'dzam thang drung pa sku phreng rim byon gyi lo rgyus |
drung pa gang nyid kyi sku phreng rags bsdus sa bon tsam 'di na 'god par bya ba la |
1. drung pa sku phreng dang po rarna shri'am rin chen dpal ( gong du song zin ) | drung pa sku phreng gnyis pa rin chen bzang po dpal |