[A:169]
2. rigs ldan gyi rnam par 'phrul ba drung dka' bzhi pa'i sku phreng gnyis par grags pa rin chen bzang po dpal ni | chos rje rgyal ba seng ge dpal 'byor bzang po'i zhal snga nas rgyu pha rol tu phyin pa'i theg pa dang 'bras bu sngags kyi theg pa mchog gi zab bka' ches mang gsan te de dag gi don la thos bsam gyis sgro 'dogs chod de sgom pas nang gi mngon par rtogs pa rgya che bas thugs mdzod phyur bur gtams pas phyi rab byung ngur smrig gi bstan pa'i rgyal mtshan 'dzin cing nang smin grol gyi chu tshad mthon por slebs te grub rtags mngon gyur la thogs pa mi mnga' ba'i rtogs pa'i gdeng tshad cher brnyes pa'i 'gro 'dren gyi mdzad pa bzang po can rang lugs kyi bstan pa dang 'gro ba'i bde skyid spel phyir chos rje dpal 'byor bzang po sku zhing du gshegs rjes khong nyid kyis chos rje gdan sa ba rgyal tshab kyi tshul yang lo 'gar mdzad nas rjes su chos rje rgyal ba seng ge'i yang sprul sku bdag khri 'don rgyal tshab tu bsko bzhag sogs sgo gang thad nas 'dzam thang chos rje'i chos srid zung 'brel la phan pa'i bya ba rlabs che ba'ang mdzad mkhan zhig go | |
drung pa sku phreng gsum pa blo gros rin chen dpal gyi snying po |
3. sku phreng gsum pa blo gros rin chen dpal gyi snying po ni | sku tsha rong du 'khrungs chos rjes sku bdag byas te rim pas dbon bsod nams chos 'phags kyi drung du klog sogs slob sbyangs nas bzung chos sgor zhugs te sku dbon chos grags rgya mtsho'i mdun nas mi 'khrugs pa dus 'khor sogs kyi zab dbang mang po dang chos rje 'jigs med dpal gyi seng ge'i sku drung nas dgongs gter sgrol ma dmar mo'i dbang lung man ngag legs par gsan pa sogs chos la sbyang ba dang bsam sgom reb tsam byas rjes su khong nyid chos rje'i gdan rabs kyi rgyal tshab tu bzhugs te bstan 'gro skyong bzhin khang dmar rten khang du yun ring mtshams sgrub dam po mdzad cing bar skabs lo shas der sad bsrung gis 'gro phan yang spel ba dang | dpal sprul rin po che 'dzam thang du phebs skabs spyod 'jug rgyud bla sogs la gsan sbyang byas shing | dpal sprul gyis gsung bkod ltar de rjes mi ring bar mkhar ba rdo rje 'chang gi mdun nas dus kyi 'khor lo'i rnam 'byor yan lag drug gi zab khrid rnams legs par zhus nas lo 'gar nyams len gnad khel bgyis pas rtogs pa mchog tu gyur pa'i re zhig na glo bur du khong gi sku bsnyung ba'i tshe skyabs mgon mkhar ba gdan drangs nas rnal 'byor 'chi kha'i gdams ngag yang dag gi sgo nas mtshams sbyor bzang po bcas gzugs sku'i me tog 'phral du 'thor |
drung pa sku phreng bzhi pa grub rtags can |
4. sku phreng bzhi pa yang tsha rong phyogs su 'khrungs shing drung pa'i yang sprul du ngos 'dzin dang bcas 'dzam thang sbyangs pa skyabs mgon gyi slob mar gyur te zab dgu'i gdams pas thugs rgyud legs