[A:170] smin mdzad cing khong gi sku'i steng du 'ja' gur 'khyil ba nye 'khor gzhan dag gis mthong ba sogs khyad 'phags kyi mdzad dgo can yin na'ang nyid kyi spyod kun nas mdzes par ma gyur pa sogs kyis chos sdes gnas dbyung mdzad de rnga yul phyogs su byon dgos byung nas de phyogs su sku tshe smad la bzhugs dus su khong gi sku la gri sogs mtshon gyis gnod pas mi tshugs shing gsol chang zhal phor gang gi nang du rten phur 'dzer ba sogs grub rtags kyi mdzad spyod yang dus dus su ngom pa zhig go | |
drung pa sku phreng lnga pa kun dga' rin chen dpal gyi snying po |
5. sku phreng lnga pa kun dga' rin chen dpal gyi snying po ni | sbugs shul dme skor du sku 'khrungs gtsang pa grub chen gyis drung pa'i yang sprul du ngos 'dzin mdzad nas chos rje'i sgar gyis khri 'don dang bcas rim pas chos la sbyang ba sogs dam pa'i kun spyod gong ma'i phyag bzhes bzhin khang dmar bla ma kun dga' bsod nams zhabs pa dang | sbyangs pa ma 'das mchog sprul sogs dge ba'i bshes su bsten nas dus kyi 'khor lo'i zab bka' sogs ji bzhin nod de nyams len gong ma'i rjes zhugs kyi tshul mi dman pa byas nas chos rje'i rgyal tshab tu mnga' gsol mdzad na'ang spyod tshul dang dus sogs kyi dbang gis mdzad pa ji bzhin ma byung nas na tshod lang tsho ma yul ba'i skabs 'phral du 'gal rkyen gyis sku gshegs so | de yang chad kyi 'dzam thang gi sgar khag gsum las chos rje dang tshes bcu'i gdan rabs sku phreng gi lo rgyus mdo tsam song ngo | |
(6) 'dzam thang gtsang pa sku phreng gong ma gsum gyi lo rgyus |
phyis byon chos rje'i sgrub brgyud kyi rim par byung ba gang dag ni gtsang pa'i slob brgyud du gtogs phyir de lugs ltar rjes nas sgrub brgyud slob dpon ci rigs pa'i lo rgyus 'chad par 'gyur ro | | da ni rjes nas khams su rang lugs kyi bstan pa spel 'tshul la |
gtsang pa sku phreng dang po ngag dbang bstan 'dzin rnam rgyal |
1. thog mar 'dzam thang du chos rje lho kha ba'i sku ring la jo nang rje btsun rin po che'i dngos slob mkhas grub blo gros rnam rgyal chags phebs mdzad nas khams phyogs su lo ngo bcu gnyis tsam la rang lugs kyi chos bka' rgya cher spel | de rjes chos rje go rgyal gyis blo gros rnam rgyal gyi yang sprul ngag dbang bstan 'dzin rnam rgyal gdan 'dren zhus nas khong gis rang nyid kyi pho brang bzhugs gnas su phul te 'dzam thang bsam 'grub nor bu'i gling du 'jigs med rdo rje'i chos kyi khri la rtag bzhugs su gsol nas rang lugs nges don sgrub brgyud kyi bstan pa'i dbu 'phang dgung du 'degs par mdzad nas bzung 'dzam thang gi sgar khag gsum pa gtsang pa zhes grags pa de nyid byung zhing | gtsang pa'i gdan rabs