[A:176] mtshan ches mang zhing | de nas sku snga ma gshegs nas zla ba drug dang zhag bcu dgu song mtshams ( spyi lo 1790 | rab lo 13.44 ) lcags khyi'i lo'i zla ba bzhi pa'i tshes bcu bdun gyi nyin sku lhums nas bltams ma thag zhal nas | hUM hUM zhes pa'i sgra gsal po sgrog cing mkha' lam nas rnga sgra lta bu byung ba'i rkyen gyis 'dzum mdzad dang bcas pa'i rgod bag ngom pa zhig ste sngon sku gong ma'i pus mo'i mtshams su seng ge'i gzugs 'dra'i ri mo sngo bkra'i sha mtshan yod cing de 'dra sha mtshan de sku bar pa'i dpyi mig mtshams dang sprul sku 'di nyid kyi mkhal khung g.yas par yod pa'i legs mtshan gyi rten 'brel ji bzhin mngon no | | dgung grangs bzhir son tshe | 'dzam thang gtsang pa sgar gyis khri 'don dang bcas rim pas klog sogs bslab sgyang dang dgung lo bcu skor nas bzung dbon lhun grub rgya mtsho'i drung nas dge bsnyen sdom pa zhus nas mtshan dkon mchog 'jigs med rnam rgyal du gsol zhing gzhan yang dus 'khor dbang sogs zab bka' ci rigs dang | slob dpon chos 'byor zhabs pa'i mdun nas sbyor drug gi zab bka' zgus nas nyams len gyis rtogs pa'i rtsal yang rab tu gyur cing | 'di skor gzhan la'ang dbang bskur mdzad thub cing | dgung lo bcu bzhi par si tu pad ma nyin byed dbang po'i drung nas kyang rab byung bsgrubs te | mtshan karma chos mchog bstan gsal zhes gsol zhing | de skabs su sku dbon sangs rgyas rgya mtsho'i drung nas kyang rin 'byung sogs dang | kun dga' chos dbyings kyi mdun nas kun mkhyen gsung 'bum | blang dor khrid lung | rtsis dkar nag sogs phyi nang gi rig gnas du ma la gsan sbyang phul phyin mdzad | sku dpon lhun grub pa'i drung nas sbyong rgyud kyi dbang sogs zab bka' du ma gsan zhing lhar yag ri khrod pa sogs la dbang lung khrid gsum ci rigs kyang mdzad | 'di skor gzims khang du ston pa'i skyes rabs kyi gyang ris gsar bzhengs dang | sangs rgyas rgya mtsho'i drung nas mi 'khrugs pa'i dbang khrid zhus nas bsnyen sgrub kha skong bcas dang | dus 'khor lha dgu'i sgrub thabs kyi steng nas dbang khrid kyang zhus te lha bsnyen bye ba kha skong bcas kyi mtshams sgrub dang | rdo rje 'chang ngag dbang rgyal mtshan gyi mdun nas slar yang yan lag drug gi zab khrid zhus te zla ba zhe bzhi'i bar nyams len gnad smin mdzad pas rtogs pa gshis nas mngon du gyur te 'od gsal don dam pa'i 'char sgo mtha' klas pa dang bcas nang dbyings gdod ma nyid kyi gnas lugs la ji bzhin thugs nges chen po 'khrungs shing | dgung lo nyi shu skor du dbon sangs rgyas rgya mtsho'i drung nas grub thob brgyad cu | rjes gnang brgya rtsa sogs dang | slob dpon dri med kyi mdun nas bka' babs drug ldan gyi zab khrid zhus te zla ba bcu bzhi'i bar nyams len gnad khel bcas kyis mtshams sgrub dang | lhar yag blo gros rgya mtsho sogs la mi 'khrugs pa dang dus 'khor sogs kyi dbang bskur kyang mdzad |
dgung lo nyer bdun steng khong nyid 'khor tshogs rgya cher bcas dbus gtsang du phebs te | gzhung