[A:197] drug gi zab khrid zhus nas bsgom pa'i nyams len gyis sngar las rtogs pa mchog gi rtsor son zhing 'di skor du bla ma mchog gi drung nas sgrub thabs rin 'bung zab dbang sum brgya dang gsum | rjes gnang brgyad cu rtas gcig | grub thob brgyad cu rtas bzhi'i rjes gnang sogs smin byed kyi sgo mang po nod cing | dgung lo nyer dgu'i dus sogs su'ang dus 'khor dbang chen | gshin rje rab 'byams gshed dmar bcu gsum ma nas | 'jigs byed lha bcu gsum bar dgu dang | 'jigs byed 'don pa bsgyur lugs sogs dbang gzhan bzhi | bde mchog rab 'byams | rta ba'i sgrub thabs nas zhi ba rdor lugs sogs dbang gzhan bzhi | bde mchog rab 'byams | rtsa ba'i sgrub thabs nas zhi ba rdor sems yan bcu dgu dang | lU dril nag gsum | mkha' 'gro rgya mtsho rnams dang | gsang 'dus ye shes zhabs dang 'phags lugs gnyis | sangs rgyas thod pa | sangs rgyas mnyam sbyor | rdo rje gdan bzhi | de nyid lnga pa | dgyes rdor | mahAmaya | rdo rje zhon nu | gtum po khro chen | rnal 'byor ma'i skor gzungs grwa lnga'i byab chog bar dbang bdun | rdo 'chang | rdor sems | dus 'khor lhan skyes rnams kyi bzlas lung sogs rgyud sde rab 'byams su grags pa'i dbang bka' yongs rdzogs gsan |
dgung grangs sum cu nyid kyi dus gtsang pa dge slong gis mkhan slob zung 'brel dang bla ma chos 'phags kyis gsang ston dang dus go ba mdzad nas dge 'dun grangs tshang gi mdun nas bsnyen par rdzogs pa dge slong gi dngos po thob | de nas bzung skyes bu gsum gyi chos tshul sogs mdo dang | gsang chen sngags kyi gzhung lugs la gnad don lhur len gyis brtson sbyang ci rigs kyang mdzad rjes shing glang lor gtsang pa dge slong gang nyid gzugs sku chos dbyings su bsdus rkyen ngag dbang chos 'phags rgya mtshos rgyal tshab mdzad pa nas bzung de yang spyi bos bla mar bkur te nyid drung nas rdor 'phreng dkyil 'khor zhe brgyad kyi dbang yongs rdzogs dang | bA ri lugs kyi rjes gnang brgya rtsa | sa lugs sbyong rgyud bcu gnyis sogs dang | shangs chos skor cha tshang gi dbang bka' rnams dang | kun mkhyen dol po'i bka' 'bum rnam thar bcas pod bdun | thugs sras dag gi gsung chos | rje btsun chen po'i gsung 'bum pod chen bcu dgu tsam dang | gzhan yang gsung 'thor ci yod rA lo'i man ngag gshin rje'i gshed kyi rtogs bdun skor du ma dang sa skya'i man ngag skor gyi bklag lung sogs zab bka' ches mang gsan zhing mdo sngags kyi bshad pa cho ga la nyer mkho'i rigs ji ltar 'os pa re yang gsan sbyang mdzad |
dgung lo so dgu skor a skyong mi dbang tshe ring dbang phyug gis gdan drangs te gnyis las brtsam pa'i dri ba gang zhus thams cad thad kar 'dzes bag med par drang por gsungs shing chos dang mthun pa'i gtam gyis mgu bar byas pas mi dbang 'khor bcas nas dngos rdzas gya nom pas legs