[A:14] bo 'di ga rang ste | de nyid rim gnyis lam gyis mngon du bya ba'i thabs tshul rgya cher ston pa nyid kyis ji ltar gsungs pa'i tshul ni | dus 'khor rtsa rgyud las | ston pas bya rgod phung po'i rir | | shes rab pha rol phyin tshul bzhin | | chos bstan dpal ldan 'bras spungs su | de bzhin gsang sngags tshul rab bstan | | zhes gsungs pa ltar ston pas gdul bya thun mong gi ngor bya rgod spungs rir sher phyin gsungs pa dang mnyam du dpal ldan 'bras spungs su gsang sngags 'khor thun min gyi ngor gsungs pa yin la | de yang dus 'khor rtsa rgyud gtso bor gyur pa'i gsang sngags kyi rgyud sde mtha' dag gsungs pa ste bsdus rgyud phyi ma las | dpal ldan 'bras spungs mchod rten chen por stobs bcu pa yis sangs rgyas pa yi rgyud rnams mtha' dag rab tu bstan | zhes pa ltar ro | |
de'i tshul rgya gar lho phogs dpal gyi ri dang nye bar dhanashrI'i gling du sngon gyi sangs rgyas gser thub dang 'od srungs gang rung zhig gi dus nas 'bras so ba'i char gyi rgyu las lha chen rnams kyis bzhengs par grags pa dpal ldan 'bras spungs kyi mchod rten gyi bum pa'i nang gi rten 'og tu ston pa nyid kyis rtsa rgyud nas bstan pa'i dpal ldan rgyu skar gyi dkyil 'khor lha stong dang drug brgya nyi shu can dang | bsdus rgyud las bstan pa'i chos dbyings gsung gi dbang phyug gam dus kyi 'khor lo sku gsung thugs yongs su rdzogs pa'i dkyil 'khor lha bdun brgya nyer gnyis kyi rnam pa mngon par sprul te gtso bo dus kyi 'khor lo'i mdun zhal thug rdo rje las rtsa rgyud sogs bla med rnams dang | zhal lhag ma rdo rje gsum las rgyud sde 'og ma gsum gsungs pa ste | skabs kyi ched du bya ba'i gdul bya rgyud zhu ba po chos rgyal zla ba bzang po sogs shambhala'i grong bye ba phrag dgu bcu rtsa drug gi mi'i 'gro ba skal ldan dpag tu med pa dang | lha klu gnod sbyin 'byung po sogs mi min gyi 'gro ba bgrang las 'das pa'o | | gsang sngags kyi sde snod gtso cher bod du 'gyur ba yang |
bya rgyud la | dam tshig gsum bkod | 'jam dpal rtsa rgyud sogs de bzhin gshegs pa'i rigs | don zhags cho ga zhib mo | zhal bcu gcig pa'i gzungs sogs padma'i rigs | phag rdor rig pa mchog gi rgyud sogs rdo rje'i rigs | nor rgyun ma | jambhala'i gzungs sogs nor bu'i rigs | me kha le'i gzungs sogs lnga rtsen gyi rigs | lha klu 'byung po phal pas phul ba'i gzungs rnams 'jig rten phal pa'i rigs dang drug yod |
spyod rgyud la | rnam snang mngon byang | mi g.yo brtul phod sogs sku'i rigs | gsung gi rigs bod du ma 'gyur | phyag rdor dbang bskur ba'i rgyud sogs thugs kyi rigs dang gsum mo | |
rnal 'byor rgyud la | de nyid bsdus pa | rdo rje rtse mo sogs pha rgyud | dpal mchog dang po | rdo rje snying rgyan sogs ma rgyud dang gnyis so | |