[A:219]
dgung lo nyer lnga dang nyer bdun gnyis su rje bla ma de nyid kyi mdun nas snga phyi dge tshul dang byang sdom dge slong bcas rim par dam pa 'di la thob chog gam snyam pa las ji bzhin gyi gsal kha ma rnyed | rab kha bla ma'i mdun nas snga phyi ci rigs par dam pa 'dis kun mkhyen dang rje btsun gnyis kyi bka7 'bum cha tshang gi bklag lung gsan na'ang chog pa 'dra zhing | dgung lo sum cu so gsum du nyid kyi rtsa ba'i bla ma ngag dbang chos 'byor gyi dgongs pa chos dbyings su thim skabs dam pa 'di mi khyim zhig tu grong chog la bzhugs dus thugs snang du rje rtsa ba'i bla ma de nyid sku mdog rab tu dkar ba'i rnam pa can zhal ras shin tu dgyes pa gzigs snang gis zhal mjal nye bar byung ba dang dus mthun par rtsa ba'i bla ma mchog nyid sgrub grwar sku gshegs pa dang dus mtshungs su song | de nas mi ring bar 'dzam thang du rje ngag dbang tshogs gnyis rgya mtsho'i mdun du dam pa 'dis bsdus grwa | tshad ma rnam 'grel | phar phyin sogs gzhung lugs du ma la gsan sbyang rgya cher mdzad cing | 'di skor nas kyang khong nyid nus pa che ba zhig ste yul sde spyi la than pa byung tshad pa na nyid kyis thabs sla bas char slong legs po thub pa dang | nam mkha' nas ser ba 'phral du drag 'bebs kyi skabs khong gis brdab chog gi skad cig la gcod par mdzad pa dang | mi nad tshabs che ba 'ga' la nyid nas byin rlabs tsam gyis zug gzer zhi nus pa sogs mthu nus gzhan las chrt 'phags pa'i phyir ro | |
de lta bu tshul gyis rang don mdzad mchog legs par mnga' ba'i bla ma dam pa'i go sa na ring zhig bar bzhugs rjes su gtsang pa'i rdo rje slob dpon dge skor bla ma dag zhing du gzigs nas sgrub pa'i chos brgyud nyag phra ba'i skabs su slar yang rgyas spel gyi ched du gtsang pa grwa tshang bcas kyi bka' nan ltar dam pa 'di nyid kyis gtsang pa'i gzims khang gi rdo rje slob dpon gyi thugs khur bzhes dgos byung bas dgung lo bzhi bcu zhe drug la nye ba'i skabs sogs su bla grwa yongs nas dam pa mchog nyid rdo rje'i khri la rtag bzhugs su gsol ba nas bzung khong gis gzims khang sgrub grwa bcas kyi mtshams grwa pa sbyor drug phan tshun dang | nai gu | bskyed rim sna tshogs pa la nyams len byed mkhan gang yod kyi sgrub po mtha' dag thugs slob tu rjes bzungs legs par mdzad ngos nas gzims khang du sbyor drug chos tshan gsum re rim bzhin dang | sgrub grwa gong mar sbyor drug chos tshan chad med dang | sgrub grwa 'gab mar nai gu'i bskyed rdzogs | bskyed rim sna tshogs bcas lo re bzhin rgyun 'dzugs yod pa de thams cad la bla ma dam pa gang nyid kyis chos bka' lo re bzhin snga phyi rim can du dus 'khor dbang chen bar 'ga' re dang | mchog dbang chad med kyis sbyor drug gi chos khrid dus su gang bab dang | nai gu'i chos bka' dbang lung khrid gsum ci dgos dang | gzhan bskyed rim 'byung 'dul | rta mgrin | 'jigs byed | mgon po brag rdzong ma sogs kyi dmigs khrid zab dbang bcas lo bstar bzhin chad med lta bu dang |