[A:220] lo dus su bar bar rnams la | sbyong rgyud bcu gnyis kyis thog ma byas te | rgyud sde rab 'byams yan lag bcas cha tshang dang | rdo rje 'phreng ba yongs rdzogs | rjes gnang brgya rtsa | grub chen brgyad cu sogs rang re'i chos brgyud na legs bzhugs kyi rgyud sde'i dbang bskur zab khyad can rnams kyi dbang gi chu bo chen po gdul bya la sgo kun nas lhug par stsol ba'i mdzad bzang dus dus su gnang ba las dbang tshan phal che ba lan du mar bskyar ba'ang mdzad la | bar bar khong gis 'dus pa mang po la kun mkhyen rin po che'i bka' pod drug rnam thar bcas dang | rje btsun tAranAtha'i gsung 'bum yongs rdzogs kha 'thor bcas kyi bklag lung yang snga phyi lan gnyis sogs gsungs shing | de mtshams shig nas khong nyid rnga ba se dgon du phebs te khyi dge slong gi drung nas dra brgya rtsa'i dbang bka' yongs rdzogs gsan nas rjes sor gzims khang du nyid kyis bla grwa ches mang po la mi dra'i dbang bskur rgya cher ba'ang mdzad | gzhan yang rin 'byung sogs dbang bka' snga phyi thams cad la lan du mar legs stsal mdzad pa ches mang |
dgung lo lnga bcu nga bzhi'i steng sa dmar bla ma snyan grags gzims khang du phebs nas de'i mdun du khong gis nai gu'i bka' phyi nang gi zab dbang dang | grub chen brgyad cu'i bsdus dbang | mthong ba don ldan gyi lung khrid kyang gsan | 'di skor zhig tu dam pa gang gis rang yul gyi sde dang 'khrugs pa'i pha rol gyi dgra bo'i steng du chos skyong khyab 'jug chen po nan bskul mdzad pas pha rol dgra sde de dag la dus kyi g.yul nyes chen po byung zhing de'i nub gza' bdud rAhula zla ba'i tshad tsam mthun snang dgra yul du mngon tshan stobs che ba kun nas rgyug pas pha rol gyi dpa' zhum par byed pa'i rtags mtshan nye bar bstan la | yang skabs shig tu yul ba'i 'tshogs khang nyid kyis ser skya mang tshogs la dpal sprul sngon 'gro kun bzang bla ma'i zhal lung gi bshad khrid dang | thar mdo'i bklag lung gsungs shing | de'i snga phyi ci rigs par 'du khang de'i nang du khong gis | rang sogs 'dus pa mang tsam la rnying ma'i gto pod mang po dang rang lugs kyi 'don cha du ma'i bklag lung dang | snga phyi gang du gtad sprugs gto pod kyi lung sogs kyang gnang |
spyir dam pa 'dis rin 'byung sogs dbang che ba re gsungs dus su dbang nyan du yod pa'i slob 'ga'i dag snang ngor dam pa gang nyid dus 'khor bde gsang sogs yi dam mang po dang | gur mgon sogs ye shes kyi chos skyong gi rnam pa 'dra min res mos su mthong ba yod la | skabs shig khong nyid sgrub grwa gong mar slob tshogs la chos bka' gnang bar byon nyin gyi snga mo'i sgrub sde ba rtogs pa can zhig gi nangs thun gyi nyams snang ngor rdo rje 'jigs mdzad yongs rdzogs kyi dkyil 'khor bkra lam me re zhig gi bar shar nas de dag gi sprul bkod bsdu rjes su 'jigs byed dpa' bo gcig pa zhig dar cig la mthong