[A:221] ba de yang bsdu ba'i shul rje bla ma 'di nyid sku dngos ji bzhin pa de ka nyid du ches gsal bar mngon pa sogs kyis mtshon no | |
yang dus phyis su khong nyid sgrub khang du bzhugs skabs slob bu zhig gi nub thun gang rlung gi snang ba bung ba'i gshog sgra lta bu zhig gis 'jigs skrag yid zing nge bar gyur pa de ka nyid ji bzhin legs par mkhyen te phyi nyin khong gis slob bu de la snang ba 'char tshul dngos gnas bzhin dang 'jigs snang gi rkyen sna bug gi rlung rgyu lugs dang mgo'i nyi zhu sogs kyi byed pas yin tshul bcas ji bzhin gsal por gsungs pa sogs de 'dra'i lkog gyur phran bu mngon du gzigs tshul kyang du ma zhig yod kyang mkho chung bas ma spros la | dam pa gang gis sngon yul ba'i ser sde dag gi 'du khang dpag bsam 'khri shing legs bzhengs kyi mgo mtha' dang phyis su gtsang pa'i sgrub grwa bar ma gsar bzhengs kyi nang du lo bstar gyi lam rim sgrub sde'i 'dzugs bskrun sogs dang de rjes su rang yul a mgon du mchod rten khang brtsegs phyi nang yongs rdzogs nang gzhug lha ris sogs kyi bkod pa cha tshang legs bzhengs dang | dus phyis su ngag dbang tshogs gnyis rgya mtsho'i sku gdung dngul gyi mchod rten cha brgyad bzhengs skabs rgyu rkyen gtso che bas zhabs 'degs legs zhu sgo kun nas byed pa sogs bya ba las kyi 'khor lo yang mi dman zhing spyir rje bla ma 'dis thugs khur sgos bzhes kyi 'dzam thang gtsang pa'i sgrub brgyud nges don bstan pa lo bco lnga lhag la nye ba tsam rang gis sgos su legs bskyangs mdzad nas de bar gyi chos grwa sgrub sde phan tshun kun kyang lo re rer bzhin gyi rgyun ma chad par mang tshod du 'dug la | de mtshams shig nas gdung yangs bla ma smon lam bzang po gang nyid kyis kyang rje dam pa khong la lo kha shas kyi bar chos grwa pa gang dag legs skyong gi zhabs 'degs zhu dgos re yang mdzad pa ma gtogs ma gzhi rjes khong gis sgo gang thad nas mdzad sgo thams cad gnang ba yin la | de 'dra'i tshul gyis nyid dgung lo nga dgur son tsam la rje nyid kyi bkas bskul ltar khong gis klad nas chos khrid tsam gnang na 'og gi thugs khur bzhes mkhan rdo rje slob dpon gnyis pa nyd du ngag dbang rdo rje bzang po bla grwa kun mthun gyi sgo nas bsko bzhag byas kyang rdo rje slob dpon de'i sku ring kha tshang dang rdo rje slob dpon gsum pa ngag dbang dkon mchog dar rgyas kyi sku dus phyed yan la rje bla ma gang gis chos sde mtha' dag la klad nas thugs rjes legs bskyang gi sgo nas chos bka' gang dgos ma lus pa dus dus su ji bzhin nye bar gnang ba'i bka' drin dang bcas pas bzhugs pa ste | de yang dus kyi dmar dmag rgyang bskyod kyis zing cha che skabs kyang khong dang mnyam du song ba'i tshe sde gang dag la nyes pa ma byung zhing | sde de dag gi phyis 'byung lkog gyur gyi tshul khong gi thugs mngon shes kyis de lugs ltar nyid kyis mdzad sgo yang gnang bas ji bzhin lam du song zhing