[A:229]
dgung lo nyer lnga rje sngags pa gtso bor gyur pa'i rdo rje 'chang rnam gsum gyi drung nas zab mo shangs chos kyi dbang khrid dam pa 'dis legs gsan gyi sgo nas nai gu'i bskyed rim sngon song gi rdzogs rim chos drug nyams bzhes mdzad skabs lam rang rang la myong rtags khyad par ba re yod pa ma zad bar bar mkha' spyod dkar dmar gri gug thogs pa byung ste de gnyis ka'i phyag mtshan gyis khong gi rnam smin gyi bem lus dum bur gtubs dang rmi lam 'od gsal gyi ngang nas dag ma dag gi zhing mang po la sngar las lhag par bgrod nus pa'i chos sbyin dam pa'i ting nge 'dzin phul byung thugs la 'khrungs pa sogs kyang byung |
dgung lo nyer drug tu nyid kyis slar yang nai gu chos drug la bla ma rnam gsum gyi zhal lung las mnyam bzhes kyi skabs sngags pa rdo rje 'chang de mtshams shig nas gzugs sku chos dbyings su bsdu ba la chas tshe rje gang gis thugs sras mchog gyur 'di nyid khong dang 'gro don mnyam tshul dang nang nyams dang rtogs pa'i 'char sgo khong dang khyad med yin tshul sogs che bsngags rgya che ba mdzad bzhin rje nyid dag zhing du gzigs skabs slob bu mchog la rje rtsa ba'i bla ma bka' drin can gang gi gsang ba gsum gyi mdzad bzang gi gzigs snang yang yang byung zhing mthar 'od zer dmar po'i drwa ba'i sbubs nas zhal bzang ches gsal gyi ngang du nam zhig rdo rje'i slob chen nyid 'gro 'dren gyi ded dpon mchog tu bka' lung gsal bas dbugs dbyung nges par thob pa yin la | bar 'ga' thugs snang du rang dgon thog gi lam nas bud med mdzes ma'i rnam pa zhig gis ngag snyan po'i sgo nas dam pa nyid kyi mtshan 'bod bzhin byang chub thang du rtswa thun la 'gro | ces gsung ba la brten khong gi thugs snang zag med bde bas nyin mtshan 'khor mo yug tu 'da' ba reb tsam la byung zhing de mtshan shig nas rang snang du dpal 'khor lo bde mchog gi rten dang brten pa'i dkyil 'khor mtha' dag ches rang gsal du mngon pa rgyun ldan lta bur yod la bar bar mtshan mor rmi lam 'od gsal gyi snang bar dpa' bo dang rnal 'byor ma bgrang yas dang lhan cig tu dga' ston tshogs kyi 'khor lo rol pa'i dag snang gsal po nges par byung bas thugs snang 'od gsal gnas lugs la reg tshabs che ba dang | rdo rje rnal 'byor ma'i zhal gzigs kyi snang ba'i bka' lung las | dam pa nyid la khyod kyi yi dam gyi rtsa ba bde mchog nyid yin no | | zhes pa'i gsung gnang gi mthar khong rang la 'od zer sngon pos khebs song nas rang lus dwangs ma 'od sngon gsal ba'i rnam par mthong zhing 'di skabs su nyid thugs ngor rdo rje rnam bzhi'i zab gter gyi sgo dod de 'gro phan legs dge zla dang bral ba zhig 'byung nye yang dus dbang gis nyams snang tsam las lag tu ma long |
dgung lo nyer bdun du rta mdor brag dkar sprul pa'i sku blo bzang dpal ldan bstan 'dzin snyan