[A:230] grags chags phebs pa'i mdun nas 'dus pa ches mang dang lhan cig tu dam pa 'dis rgyal ba'i bka' 'gyur chen mo mdo mang | rgyud 'bum | sher phyin rgyas 'bring bsdus gsum | dam chos dkon mchog brtsegs pa | 'phags pa phal mo che sogs bka' 'gyur ro cog gi bklag lung yongs rdzogs dang | gzhan yang klong chen mdzod bdun sogs chos bka' mang po legs gsan mdzad | 'di skor 'dzam thang gtsang pa'i gzims khang du nyag bla gter chen byon nas gu drag ye shes rab 'bar gyi dbang dang sgrub pa sogs kyi skabs su dam pa khong der yod pa'i thugs snang ngor thig le ljang sngon zur gsum gyi dbus su rdo rje gzhon nu khro bcu khra thabs sogs phur pa sras kyi lha tshogs yongs rdzogs 'od gsal stong gzugs kyi rnam pa ma bcos rang shar gyi tshul du gzigs pa sogs kyi dge mtshan byung |
dgung lo nyer brgyad par sa dmar bla ma snyan grags kyi drung du | dam pa 'dis sgrub thabs rin 'byung cha tshang gi dbang bka' dang | gcod dbang nam mkha' sgo 'byed sogs kyang mnos shing | dgung lo nyer dgu'i dus su lha tshe gcod pa rin po che'i sku mdun du | nyid kyis gcod tshogs brgya dang | rarna'i phur pa'i dbang sogs chos bka' du ma zhus te 'di dang de'i lo phyi ma gnyis su gang nyid kyis gcod dang bsnyen mtshams gnad khel mdzad de phan chad khong gis lus sbyin rgyun khyer mdzad skabs rnams su gcod nyams la mkha' dbyings nas kha dog sna lnga tshang ba'i bya rgod mtha' yas pa phyogs mtshams thams cad nas byung ste sha la rol pa sogs kyi nyams snang rgyun mar byung la | dgung lo so gcig so gnyis skor du nyid kyis bla ma rnam gnyis sogs kyi shal lung las bskyed rim gyi dmigs khrid | 'byung 'dul | rta mgrin gyi bsnyen khrid rnams gsan nas bsnyen sgrub tshad ldan gnad 'khyol kyang mdzad |
dgung lo so gsum du 'dzam thang gtsang pa'i sgrub grwa bar mar rje tshogs gnyis rgya mtsho dang a mgon bla ma ngag dbang bstan pa gsal byed zung gi mdun nas khong gis lam rim rgyas 'grel chen mo'i bshad khrid zhus te nyams len lo gcig tu mdzad | dgung lo so bzhin skor na rtsa ba'i bla ma'i gdan sa sgrub gnas su bla ma rnam gnyis las nyid kyis zab khrid sogs zhal lung legs mnos kyi sgo nas 'jigs byed 'bru non | snyan brgyud | mgon po brag rdzong ma sogs kyi bsnyen sgrub tshad ldan mdzad dus | 'jigs byed skabs phyis su khong gis gtsang pa'i sgrub blar byas te rwa zor 'phen dgos byung ba'i tshul zi bzhin sngon dus 'di nas gzigs pa dang sgrub gtor dang nang mchod sogs la dri bzang po'i ngad 'thul ba dang ril bu dkar po grangs mang mngon gsal mthun snang du yod pa sogs kyi rtags mtshan byung |
dgung lo so bdun skor sogs su khong nyid 'du khang ja khang du bzhugs nas gang gis rgyal ba'i bka' 'gyur cha tshang zhal 'don mdzad cing 'di dag gi skabs su dgongs nyams la rdo rje rnal 'byor