[A:236] rje bla ma dam pa gang nyid kyi thugs snang ngor rig pa brtul zhugs kyi dge mtshan legs pa'i sgo dod de nyams snang gi 'char tshul yi dam gyi lha sna tshogs pa'i gzugs sku'i snang ba dang snod bcud 'dra min gyi bkod pa dang gzugs kha dog sna tshogs pa ches gsal ba dang bka' bsrung dregs pa'i sde dag gis 'jigs gzugs ngoms pa sogs sngar dang ye mi 'dra ba'i thugs snang mang po byung ba dang chabs cig nang ye shes kyi gshigs su zhu bde shugs btsan po bzod dka' dar la bdo ba'i 'phel bskyod che zhing tshul de dang mnyam du gnas dang khang pa 'jigs su rung ba ma nges pa sgra shugs che ba'i nga ro kun nas sgrog pa thabs shes kyi rtags mtshan gsal lo'i snang ba che bkra zhing rig ma lha mo'i tshul du mas chags bskul sogs ches khyad par du 'phags pa'i mdzad sgo dpa' bo dang dpa' mo'i ston mo mchog la rol pa'i phyag rgya'i rtags mtshan 'byams klas pas dus 'da' ba zhig bar skabs re zhig gi dus tsam byung mod kyang deng dus su ji bzhin lag len du 'grig dka' bas mdzad mchog de 'dra byung ba gdul bya gang dag gi bsod nams skal bas dben phyir tshul de lugs kyi spros pa bskyungs pa'i ngang tshul gyis bzhugs la | de nas mtshams shig tu nyid kyi thugs snang rang lus sgyu ma'i lha sku 'ba' zhig las lha tshogs rab 'byams kyi spro bsdu nam yang ris su ma chad pa sogs kyis tha mal 'di snang dag mnyam stong pa'i 'dod yon sna tshogs la zhen bral gyis spyod pa kho nar gyur pa'i dus na bar bar dag pa mkha' spyod kyi zhing nas ma mkha' 'gros dar dkar lam bzang gi legs snang nye bar ston pa sogs 'di 'dra du ma zhig gi tshe thugs slob 'gas zhabs brtan tshogs 'bul sogs kyi bgyi ba la brten nas khong nyid kyi gsal snang dag pa la rang lus sgyu mas 'od phung mchod sprin gyi tshogs spros pas dbyings dag pa na bzhugs pa'i rgyal ba sras bcas dgyes bskyed dang chabs cig rje khong nyid la'ang 'od snang drwa ba'i rang bzhin mchod lha dpag yas kyis thugs sim pa sogs shin tu ngo mtshar ba'i dge legs kyi mtshan ma che ba dus dus byung ngo | |
dgung lo nga drug ( spyi lo 1948 | rab lo 16.22 ) sa pho byi ba'i lor slebs pa'i thog tu gzims khang sbyor drug pa nyid kyi sku tsha kun brtson sogs dang de mtshungs sgrub grwa gong 'gab bcas kyi sgrub sde ba 'di yan chad la rgyun ldan du mang nyung ci rigs pa legs par byung ba ste | de yang lo der rje nyid kyi thugs dag mnyam ye shes kyi ngang nas sku tsha 'di'i mdzad pa re zhig nye bar bsdu ba la chas tshe lo de'i mgo zhig nas nyid khams cung mi snyoms pa re byung zhing skabs su khong gis sku tsha dang nye 'khor ba dag la nyid da lo las mi bzhugs tshul sogs kyi gsung gleng zhib rgyas su bstsal te | khong gis | nyid kyi rgyal tshab tu ngag dbang dkon mchog dar rgyas bsko bzhag gi bka' pheb dang bcas lo de'i zla ba gnyis pa'i nang tsam nas 'phral du cher bsnyung tshul bstan pas sgo gang thad nas slob grwa mang pos zhabs brtan rim gro rgya cher mdzad cing | de mtshams snad phyogs lung logs shig tu nyid dpon slob phebs nas khong rang sku 'khor