[A:239] mdzad pas mched grogs rdo rje'i spun rnams las rtsa khams dwangs shing nyams myong gi 'char sgo mang ba 'od gsal rtags bcu dang myong rtags sna tshogs pa mod cing gsal snang sems kyi gnas cha ha cang brtan pa dang rje bla ma mchog dag zhing du ma phebs gong du slob bu 'di nyid kyi mnyam bzhag ngor gtsang pa'i gser khang du bla ma mchog gi sku de nyid dar du mas nye bar klob bbzhin gdung chos lta bu'i tshal gyis mchod gnas su bzhugs pa'i gsal nyams byung ba ltar zhag mang po ma lon par rje nyid 'phral du gshegs te tshul de lugs bzhin gyi gdung chos sogs dang bcas gser khang du mchod yul bsod nams bsags pa'i sgor gyur pa thog khel du song ba sogs dus gsum dang 'brel ba'i lkog gyur gyi tshul du ma gsal nyams kyi rnam par yang yang 'char ba phal cher don dngos dang mthun par byung ba la sogs pa phyi nang gi mdzad pa gang thad nas khyad par ba zhig ste | 'di skor rnams su gzims khang du 'dzam mgos bla ma rin po che'i mdun nas | dus 'khor dbang chen sogs dbang bka' ci rigs dang | dge skor bla ma'i zhal snga nas | rnal 'byor ma'i skor ma gtogs rgyud sde rab 'byams cha tshang gi dbang bskur rgyas pa dang | gzhan yang dbang bka' du ma dang bklag lung zab khrid sna tshogs mang tsam zhig slob bu dam pa 'dis legs par mnos shing | de lta bu'i tshul gyis gong ma'i phyag bzhes bzhin spyir na sbyor drug lo gsum du nyams len gnad khel mdzad |
de nas dgung lo bcu drug skor nas bzung rim pas dgon leb tu dge skor bla ma rin po che'i mdun nas | bskyed rim gyi rigs | 'byung 'dul | rta mgrin | 'jigs byed 'bru non | snyan brgyud | mgon po sogs kyi dbang khrid nyid kyis legs mnos kyi sgo nas lha'i rnal 'byor mang po la bsnyen sgrub tshad ldan mdzad skabs lha sku yongs rdzogs gang yin kyang yid ngor gsal snang bkra lam mer thebs shing rmi nyams su phyag mtshan sna tshogs rnyed pa'i snang ba sogs dang sgrub pa'i dkyil 'khor du gtor spu dang nang mchod la 'ja' gzugs kha dog sna tshogs bkra ba legs pa'i phyi nang gi rtags mtshan ci rigs pa re byung zhing | de 'dra'i dgun mtshams re lo bstar bzhin 'chag med kyi ngang nas dgung lo nyer gcig tu slebs skabs rtsa ba'i bla ma dge skor gang nyid kyis dag zhing gzigs pas slob bu rang gis dgongs mchod rgya cher legs sgrub kyang mdzad | de rjes 'dzam thang sogs su 'dzam ngos rdo rje 'chang gi sku drung du phal cher slob bu dam pa 'di nyid rgyun sdod kyi sgo nas rang gis gnas lugs sems la mnyam par 'jog pa gtso bor byed kyi ngang nas lo kha shas kyi ring du gnas te rje bla ma rin po che'i drung nas bar bar nyid kyis nyams len 'dri la nam zhig tu kho bo ltar khyod kyis gzims khang thun pa tsho la blta rtog re byed dgos thang zhes pa'i bka' lung gi gsung zur snga phyi ci rigs par yang yang gsung