[A:20] rdo rje rtse lnga'i dbyibs nang 'khor bsgyur gdan la bzhugs 'dra | logs rnams la rgyal srid sna bdun dang bkra shis rtags rdzas kyi rnam pa gsal ba sogs ngo mtshar ba'i khyad par yongs su rdzogs pa | gnas kyi skyong ma chen mo sngon gyi dus nas rgyal ba'i zhal mthong grub pa'i dam la gnas shing 'dren pa'i bstan pa gces par skyong ba'i lha mo mthu ldan nags sman rgyal mo lha sman 'bum gyi tshogs dang lhan cig tu dga' bas rol zhing | lha srin sde brgyad la dbang bsgyur bzhin rdzu 'phrul chen pos sgrub gnas skyong ba la nam yang g.yel ba mi mnga' bas gnas mchog dpal gyi jo nang zhes grags pa der sngon slob dpon padma 'byung gnas kyi zhabs kyis bcags sa | de rjes snubs chen nam mkha' snying po | ngam 'bre klu'i rgyal mtshan | sna nam pa tshul khrims 'byung gnas sogs kyis sgrub gnas mdzad cing | de nas 'brog mi lo tsA ba'i slob ma rnal 'byor chen mo dkon mchog zhes bya ba gnas 'dir yun ring bzhugs shing mthar 'ja' lus grub | de rjes lo brgyad cu skor na | ma cig sangs rgyas ri ma gnas 'dir phebs te yun ring bzhugs nas bka' gdams dang rdzogs chen gyi sgrub grwa bskyangs | de nas mi ring bar grub thob 'dar phyar rin chen bzang po byon nas thog mar sgrub pa mdzad skabs | phug chen 'og mar bdag med lha mo bco lnga dang bde mchog sogs kyi zhal gzigs | phug chen gong mar pad 'byung gi zhal dngos su mjal te | padma dbang gi chos bdag tu bskos | nus mthu thogs med mnga' zhing gsang 'dus rim lnga gtsor gyur gsar rnying gnyis 'dus kyi sgrub grwa mdzad | grub thob nyid kyis mi'i bla ma gzhan la ma gsang yang | sems 'grel skor gsum gzigs kun don thugs nyams su bzhes pas sbyor ba yan lag drug pa'i nyams rtogs mthar phyin pa zhig go | | de lta bu'i skyes chen dam pa rnams kyi byin gyis brlabs pa'i gnas der 'di yan la rang re'i chos brgyud 'dzin pa ma byung yang spyir ni bod ljongs su sgrub gnas du ma yod pa las 'gran zla dang bral ba'i gnas khyad du 'phags pa zhig yin no | |
2. sgrub gnas der rang lugs 'dzin pa ji ltar byung tshul |
gnyis pa der rang lugs 'dzin pa ji ltar byung tshul ni | sngar gyi sgrub grwa'i rgyun ma stongs tsam gyi re zhig gi dus skabs na |
15. thog mar rigs ldan sprul pa'i sku mkhas btsun bzang ba'i mthar thug | rtags mngon gyur gyi grub thob chen po zhang kun spangs thugs rje brtson 'grus ( spyi lo 1243-1313 ) | mtshan gyi khyad par gzhan kun spangs chen po kun tu bzang po zhes bya bas phebs pa yin te | de yang mdog gi dang ba phyar du ( spyi lo 1243 | rab lo 4.37 ) chu yos lor sku 'khrungs | sa skya dang mdar sogs dbus gtsang gi grwa sa phal cher du phebs | mdo sngags thams cad la mkhyen pa shin tu rgyas | chu mig pa seng ge dpal sogs