[A:288] mang po 'phur lding gis khyab mthar yi ge drug ma'i sgra dbyangs sgrog bzhin gzhan du 'gro snang sogs thugs nyams sgrib pa dag pa'i legs mtshan mang po byung | dben gsum skabs nyin dang po'i thun mtshams snga ma nas gzungs 'dzin dngos snang thams cad 'gags shing | rig pa mtha' dbus dang bral ba'i gnas lugs la nges pa rnyed | de nas rim par 'od gsal rtags bcu rdzogs par shar te stong ba'i rang bzhin bde ba nyid du thugs nges 'khrungs pas 'phar g.yo dang | dpa' bo mkha' 'gro'i brda skad sna tshogs shes pa dang zhing khams sogs mthong snang 'byams klas pa'i ngang nas rdo rje'i glu rang shugs kyis byung ba 'di skad | sems ma bcos kun gzhi'i gnyug ma de | | rtogs na'ang ma bcos de ka'i klong na bde | | bde ba la ma zhen 'dzin pas ma bslad na | | dus gsum rgyal ba'i dgongs pa cig de na gda' | | zhes sogs mang po gsungs shing | | kun rdzob 'di brdzun par shar ba dang | 'khor ba la zhen log 'khrul pa'i sems can la snying rje je cher song | bsam gtan skabs rlung bcu dbu mar thim rtags dang | mnyam rjes kun tu stong gzugs kyi snang bas 'di snang 'gog nus pa | de thams cad snang stong zung 'jug gi ngang nas sngar med pa'i mngon shes mang po byung | srog rtsol rdor bzlas su zla ba zhe bdun bar bsgoms pas rlung khug re dang rang bzhin pa'i dbugs sum brgya drug cu re dang mnyam pa byung ba nus pa rim pas je 'phel du song | srog thur 'dres pas lto ba ldir zhing stong gzugs 'dzin med kyi rnal 'byor brtan pa stong gzugs rlung so sos ro gcig tu shar te rtsa mnyen rlung las rung du gyur cing dhutir rlung tshud pas bde ba'i rang mdangs kyi nyams snang mtha' yas pa shar | rjes dran skabs dngos snang yal ba'i stong pa'i rang mdangs bde bar shar ba de nyid lha'i rang bzhin du mthong zhing lus kyi rtsa 'khor so so'i mdog dang de dag gi dbus nas lha sku zhal sbyor rnam can mtha' klas pa'i 'du 'phro'i snang ba dang | sngags kyi rlung sems kyi lha skur ldang 'jug rtsol med byed nus pa sogs nyams dang rtogs pa'i yon tan mtha' yas pa byung ba rnams gtsang chen mchog sprul dang lha tshe bla ma rnam gnyis la ji bzhin zhus pas khong rnam gnyis thugs dgyes chen po'i ngang nas che ba'i bsngags brjod bcas gsang chen bstan pa'i bka' gtad kyang mdzad |
de 'dra'i tshul gyis re zhig sgrub la brtson mthar sngar 'brim shar ri khrod du 'gro skabs shig la bya rog gis phud skong mar khus gang ba zhig legs ster mdzad pa'i rten 'brel ltar khong nyid kyis mtshams 'dir dgung lo so lnga'i mjug tsam na ri khrod der rgyun bzhugs kyi mgo btsugs nas lha tshe bla ma mchog gi drung nas bka' babs drug ldan gyi khrid zhu skabs rmi ltas su 'dzam dkar gyis glegs bam gnang ba'i thugs nyams byung ba ltar don dngos su khrid yig legs 'dzoms kyi rten 'brel bcas kyi sgo nas zab khrid yongs rdzogs zhus nas nyams len gnad khel gyis bla mas thugs mgu gnang ste khong rnam gnyis