[A:292] dgung lo don bzhi nas lo 'ga' zhig bar 'dzam thang chos rje'i khang dmar du bzhugs nas drung pa'i sku phreng gnyis pa blo gros rin chen dpal dang | bo ba bla ma nges don | gtug rgya bla ma seng ge sogs la sbyor drug gi zab khrid legs gnang mdzad | gtsang pa'i rdo rje slob dpon ngag dbang chos kyi 'phags pa dang | rgya bla ma ngag dbang dkon mchog gnyis la'ang snga phyi rim pas sbyor drug gi khrid rdzogs par gnang zhing rtogs 'bul ngo sprod bcas kyis thugs mgu rgya cher byas | de rjes su arge sku phreng gsum pa mi pham 'phrin las rab brtan dang | drung dbon bstan skyong sogs la sbyor drug gnang |
dgung lo don drug pa la khong gi thugs sras mchog gyur drung pa sku phyogs gzugs sku'i me tog 'phral du 'thor bar chas tshe nyid der byon te khong nas 'chi kha'i gdams ngag zab mo legs gnang dang gzugs sku'i me tog yal rjes sbyangs chog gnad smin kyang mdzad | 'di skor phyogs so so'i sa rnying sogs kyi dgon sde mang po nas chos dang rtogs zhu byed pa mang po byung ba la de dag gi sems rgyud dang legs mthun gyi chos bka' ci rigs gnang zhing la la'i sems rgyud bzang ngan zi bzhin mkhyen pas khong gis thugs mnyam bzhag ngang nas thams cad phar gsung ba las tshar rtogs zhu byed mi dgos pa'ang du ma byung | dgung lo don brgyad skor yab la tshes bcu'i sku phreng bdun pa nges don bstan 'phel zhabs dang | dbon dkon mchog bstan 'dzin | khang rgan bla ma thub bstan | sog po bla ma kun grol sogs dang | rong phyogs kyi grwa pa 'ga' bcas la sbyor drug | zab khrid yongs rdzogs dang | 'jigs byed khrid | lde thung | rab gnas kyi khrid sogs chos bka' mang du gsungs | gzhan yang tshul khrims bsrung tshul | blang dor byed tshul | sha chang spang dgos tshul bla ma la dad gus dang gsol ba 'debs lugs du ma zhig kyang gsungs la | 'di skor nyag rong dmag 'khrugs dus zing gi dogs gnas che skabs khong gis da lan mi ring bar nyag dmag nang kha mi 'dum pa lta bu'i rkyen gyis kho rang tsho gzhan gyis bcom 'ong bas skyon med tshul gsungs pa de lugs bzhin phyis su thog khel du song | de dus su bla ma chos dbang lhun grub pa sbyor drug zhu ba la byon nas chos khrid de lugs gnang zhing | sems khrid kyi tshul yang | rang gi rang ngo shes dus na | | rtog pa'i cho 'phrul ci che yang | | bde sdug gi 'char sgo gang mang yang | | thams cad chos sku'i yo lang yin | | ces dang | | ya gi sangs rgyas kyi sku gsum nas | | ma gi dmyal khams yan chad kun | | thams cad mi 'char bya ba med | | ji ltar shar yang spros dang bral | | zhes dang | rlung dang rnam rtog sems gsum po | | dbyings su sdom pa nyams len gyi gnad | 'khrul 'khor gyis kha bsgyur nyams len gyi rtsal | | zhes sogs mang po dang | 'gro drug drin can gyi pha ma rnams | | rang ngo ma shes pas 'khor bar 'khyams | | rang sems kyis rang nyid bcings