[A:293] tshul la | | bsam bzhin du snying po 'bad med 'char | | zhes sogs lam grogs snying po 'di gal shin tu che tshul la sogs pa zhal gdams snying la ches 'bab pa du ma'ang gsung gnang mdzad |
dgung lo brgyad cu'i dus su nges don chos kyi nyi na dbus gtsang du phebs khar mjal phrad du 'ong ste bka' mchid legs bgyis kyi rjes su khong nas da phan lus dngos 'di la mi 'phrad tshul gyi bka' lung gnang ba ltar phyis su don thog la song | de nas rtogs ldan ngag dbang dpal ldan dang | ka thog bla ma smon lam | lha bzo bla ma chos 'dzin sogs skyes chen mang po byon nas sbyor drug dang bskyed rdzogs kyi krid mang po zhus shing rang rang gis rtogs 'bul kyang mdzad | 'di skor chos rje rgyal ba bzang gi sku phreng bdun pa'i sku skyes sdom pa zhu ru phebs | khong nas thugs dgyes pa'i mdzad sgo du ma gnang ba'i sgo nas dge bsnyen dang rab byung gi sdom pa rim gyis legs stsal mdzad nas mtshan ngag dbang chos kyi seng ge mdo rgyud bstan skyong zhes gsol zhing | byang sdom | grub rgyal ma'i rjes gnang | khrid yig mthong don steng sngon 'gro nas bzung sbyor drug yongs rdzogs kyang gnang ste rje nyid sku skyes des spyi bo'i gtsug gis bla mar bkur | chos rje'i sku dbon karma dam chos byin rlabs nyams khrid zhu phyir phebs pa la de lugs kyi chos bka' dang nyams khrid kyi dogs gnas la dogs sel mdzad | gtsang pa 'gab ma'i sku dbon gsang sngags dang | nges don gnyis byon pa la sbyor drug dang | phyogs nas 'ong ba mgo log pa mang po dang | sha ra wor dge bshes | rdzogs chen chos dbyings rang grol | sngags 'chang nam mkha' rang grol | gtsang mkha' 'gro ma sogs rtogs ldan rnal 'byor pho mo grags chen mang po la sbyor drug zab khrid dang | gang 'tshams kyi chos bka' rgya cher gsungs shing | khyad par chos rje rgyal ba bzang gi sku skyes nyid kyang 'dir sbyor drug zhu ru phebs te zab khrid mtha' dag ma sbas shing gsal bar dgyes bzhin gnang ste bstan pa la phan thogs dgos tshul gyi zhal ta bka' mol du ma'ang mdzad | sku skyes nyid nas kyang nyams len gnad khel de lugs bzhin yang byas | 'di skor rje btsun rin po che'i gsung mgur ci rigs la brten nas zhal ta chos mang mdzad |
dgung lo gya lnga par gtsang pa gong ma'i sku phreng lnga pa'i tshab mchog sprul ngag dbang rig mchog gam gtsang sku chen du grags pa dang | dge skor bla ma kun bzang sogs slob bu mang po byon pa la sbyor drug gi zab khrid legs gnang mdzad do | |
de rjes dgung lo gya bdun pa'i dus na thugs slob tshogs la zab chos gnang skabs khong gi zhal nas | rang da lo las mi bzhugs pas chos la rem dgos tshul gyi gsung zur bcas kyis thugs dam g.yel med mdzad | de nas re zhig na sku cung zad bsnyung skabs | slob bu gang dag gis da lan las mi bzhugs par thag chod nas 'di phyi'i skyabs 'jug zhus tshe | zhal nas | ngas mkha' khyab kyi 'gro ba