[A:307] gis mchog dga' lags | zhus tshe slar yang zhal nas a ngo mtshar che khyod byang chung sems dpa' mchog tu dga' ba'i rgyal po zhes ba yin te | rten 'brel shin tu 'grig da lan nyams len byed zer ba khyod las gzhan 'di na dkon pas ngas khyod la spyod 'jug yi ge los sbyin de ma zad mchod snod phur ser 'di yang khyod la sbyin no | | zhes gsungs nas khong gis spyod 'jug gi dpe dang phud snod dar bcas grwa chung mchog dga' la gnang sbyin mdzad de gsung gis gzengs bstod kyis dbugs dbyung dus su stsal |
de nas grwa chung mchog dga' de rang yul du ya rabs dam pa'i spyod la gnas shing de mtshams shig nas khong nyid stod dbus gtsang gi phyogs su song ste yul de'i chos grwa che ba 'bras spungs blo gsal gling du lo mang po zhig gi ring la nyid kyis chos grwar legs zhugs kyi sgo nas thog ma rig gnas thun mong ba kha dog dkar dmar gyi khyab mtha' dang blo rigs rtags rigs pa slob tshul sogs dang gzhung chen tshad ma dang dbu phar chos mngon gyi bka' pod rnams dang thun mong ma yin pa sngags phyogs rgyud sde rnam bzhi'i rab dbye rgyas pa la sogs pa mdor na mdo sngags kyi gzhung lugs la thos bsam rgya cher brtson pa drag po lhur blang gis nan tan gtan khel byas pas grub 'bras rig pa'i gnas kun gyi gnad don tshang ma thugs la byang chub nas grwa sa de'i phyag srol ji bzhin gyi mkhas gnas thob ste 'bras rab 'byams pa blo bzang mchog grub rgya mtsho zhes dge bzhes mchog gi go gnas nyid kyis bdag gir bzhes nas slar rang yul 'dzam thang khang dmar rten khang du phebs te der khong nyid lo 'gar bzhugs bzhin gang gis bla ma 'jam dpal rgya mtsho sogs thugs slob 'ga' la lam rim phung lnga bsdus grwa sogs gzhung lugs mkho che ba du ma'i bshad khrid zhib bshad kyis slob tshogs rjes su bzung bzhin legs bzhugs kyi sgo nas gnas skabs rten khang der bo ba bla ma nges don gyis shug mda'i blo bzang sogs slob bu 'ga' la sbyor drug gi zab khrid mdzad bzhin pa'i skabs yin | de nas 'di skor la khong gi mtshan du khang dmar dge bshes zhes grags pa la nyid kyi thugs nyams su'ang 'di ltar dgongs te da ni rang gis yang rgyal ba jo nang pa'i rang lugs kyi nyams len zhig nges par dgos na zab chos de ji bzhin ston pa'i slob dpon mtshan nyid tshang ba zhig gang nas rnyed snyam pa'i dgongs brtags mdzad pas deng dus su sngags kyi rdo rje slob dpon du 'os nges pa ni sbyangs pa kun dga' nges don zhabs pa nyid du thugs thag chod de khong gis tshul de lugs kyi zhu ba sbyangs pa bla ma mchog la phul na thog mar bla mas zhal gyis ma bzhes tshe dge bshes nyid nas | khyed kyis kho bo la sbyor drug gi zab khrid cig mdzad skabs 'grig na rang gis de lugs bzhin nyams len zhig byed snyam yod | 'on kyang 'dra ma ldan tshe kho bo rang yul 'dir sdod snyam med nges kyi zhu nan yang yang gi bka' mchog par sbyangs pa bla ma mchog nas kyang dge bshes kyi