[A:313] 'bul gyi skabs me sgron gyis dngos su sbar ma dgos par ye shes kyi rang me 'bar bas sku gdung lhag med du skad cig la zhu zhing phyis su thugs ma tshig par lus pa byung la | 'di'i dgongs chog sbyin sreg gi cho ga mdzad pa po rje dbon 'gyur med rgya mtsho dpon slob yin zhing | rjes sor sku tsha tshogs slob 'gas gdung rten la dngul gyi mchod rten khru tshad gsum pa bzhengs pa sogs rjes sgrub rnam dkar gyi bsags sgo yang mi dman pa legs bgyis nye bar byas pa'o | |
de yang chad kyis khang dmar rten khang du bzhugs pa'i gdan rabs 'gangs che ba rgyun bzhugs kyi tshul chos slob dpon spyir ni | dang po sbyangs pa skyabs mgon mchog dang | gnyis pa dge bshes rin po che dang | gsum pa 'gam nang bla ma 'jam dpal rgya mtsho dang | bzhi pa to tsha bla ma kun dga' dpal 'phel zhabs te de rnams kyi lo rgyus che chung ci rigs song zin nas |
bla ma kun dga' phun tshogs rgya mtsho |
5. da ni gdan rabs de dang 'dra ba lnga pa ni sbyangs pa bla ma kun dga' phun tshogs ste | de yang 'dzam thang du dus phyis su gser dngul sbyangs pa'i rigs kyi khyim khag gong 'gab gnyis yod pa las dam pa 'di nyid 'khrungs pa'i khyim de sbyangs pa 'gab ma yin la | de'i khyim sgos de yang sngon rabs su lam bskyed rdzogs la nyams len byed pa'i sgrub pa lhur bzhes kyi dam pa 'ga' re byon myong zhing | da skabs su'ang yab rgya rigs pad ma'am la la ltar na a pun zer ba zhig dang yum gzungs sman zhes pa gnyis kyi sras su dam pa 'di nyid sa rta lor sku 'khrungs shing | de nas rim par cher bskyed dgung lo bcu skor tsam na klog yig legs bslab kyis ji bzhin shes pa byung nas dgung lo bco brgyad steng sbyangs pa gong mar 'khrungs pa'i skyabs mgon rdo rje 'chang kun dga' nges don rgya mtsho'i zhabs drung du | dam pa chung skyes gang des rdo rje'i rnal 'byor zab lam sbyor ba yan lag drug gi zab chos kyi skor sngon 'gro nas bzung dngos gzhi yan lag drug po cha tshang gi chos bka' yongs rdzogs zhus nas lo gsum du gong ma'i phyag bzhes bzhin nyams len ji lta ba bzhin legs par mdzad skabs dus bstun gyi nyams myong yang bzang rab tsam nges par byung chog cing | de skabs su rje skyabs mgon rdo rje 'chang gi mdun nas dam pa 'dis bar bar rnams su chos bka' rdo rje 'phreng ba'i dbang yongs rdzogs | sgrub thabs rin 'byung cha tshang gi bka' dbang mtha' dag legs gsan mdzad la | 'di skor dgung lo nyi shu rtsa nang la rje skyabs mgon mchog gis mkhan po legs mdzad kyi ngos nas dge 'dun grangs tshang gi mdun du dam pa nyid kyis rab byung dge tshul slong gi dngos po'ang ji bzhin legs par thob nges byas shing | dgung lo nyer gnyis skor rang khyim gyi khang thog sngon gong ma'i sgrub khang chung ba yod pa der nyid bzhugs nas rang gis 'jigs byed 'bru non | snyan brgyud sogs bsnyen sgrub tshad ldan 'ga' re skong sbyin sreg