[A:25]
rnga yab zangs mdog dpal gyi ri dbang du | | gsang sngags brtul zhugs mchog gi dga' ston gyis | | za byed srin po 'dul zhing 'gro khams skyong | | rig 'dzin bla ma'i spyi rje pdma 'byung | | 6
ngo mtshar mdzad pa'i cho 'phrul gang 'di kun | | gdul bya'i khams dbang ji bzhin de lta mod | | nges pa don du sku bzhi'i dbang phyug gi | | ngo bor gdod ma'i dus nas mngon sangs rgyas | | zhes pa'i tshigs bcad kyis skye phreng mdo tsam brjod pa sngon du btang nas |
(2) kun mkhyen jo nang pa chen po'i mdzad 'phrin |
deng skabs snyigs dus su kun mkhyen jo nang pa chen po khams gsum chos kyi rgyal po'i mdzad pa legs par bstan pa'i tshul nyung bsdus su bkod pa la | thog mar rang don gyi mdzad tshul | bar du bstan 'gro'i don mdzad tshul | tha mar mdzad pa rdzogs tshul gsum las |
dang po rang don gyi mdzad tshul ni | yul mnga' ris dol po pan tshang kayori'i grong khyer du yab ye shes dbang phyug dang yum lha mo tshul khrims rgyan gnyis kyi sras su ( spyi lo 1292 | rab lo 5.26 ) chu pho 'brug la rgyal sras don grub gnyis pa lta bu'i ches ngo mtshar ba'i mdzad tshul dang bcas sku bltams | rus sngags rnying ma yin | yul du bla ma skyi stengs pa sogs bla ma mang rab bsten | chos kyang rnying ma dang dbu ma rig tshogs sogs dang | rig gnas bzo gnas phra mo mang po chung ngu'i dus nas tshegs med du mkhyen | dgung lo bcu gcig la mkhan po tshul khrims sning po sogs las dge tshul gyi sdom pa blangs nas mtshan shes rab rgyal mtshan btags shing karika dang gzhung 'grel sogs gsan | dgung lo bcu bzhi bco lnga tsam la dgon pa'i bya ba than thun mdzad dgos byung | dgung lo bcu drug pa la skyi ston 'jam dbyangs grags pa ya rtser phebs pa'i zhor la glo bo stod du mjal nas 'phreng ba skor gsum sogs kyi lag len dang chos mang du gsan | de rjes mar phebs dang yang mjal nas sngags chos mang po dang | tshad bsdus mkhyen par mdzad | dgung lo nyer gcig pa la gcig pur bros te bla ma skyi ston pa'i drung du phebs nas phar tshad mngon gsum dang | spyod 'jug | sngags chos 'ga' dang bcas lo phyed gnyis su dus gcig tu bslabs pas gzhung bzhi char 'grel pa dang bcas pa'i tshig don mtha' dag thugs su chud nas bshad gsar mdzad pa'i chas sgrub pa la rta nag tu phebs slob dpon rin ye'i drung du zla gsum tsam bzhugs | rde'u'i bcud len sogs sbyong bzhin byams chos kyi bshad pa tshar gcig gsan | de rjes bshad gsar mdzad | yum rgyas 'pring bsdus gsum sogs sher phyin gyi mdo rnams yud tsam gsan pas thams cad thugs su chud | dbus gtsang gi sde phal cher du grwa skor la phebs pas mkhyen rab kyi rtsal dang | rig pa'i rnam 'gyur bzang zhing | sher phyin 'bum pa sogs mdo sde du ma'i tshig mtha' dag thugs la byang bar bzhugs pa dang |