[A:333] bzhugs pa'i skal ba dang 'grig ste dge bzhes chen po de nyid mtshan de nyid kyi slob dpon du dam pa 'dis bsten nas thog mar chos grogs blo rnon mang po dang lhan cig tu rigs pa'i sgo 'byed bsdus grwa brtsi ba'i mgo brtsams pa nas bzung slob grogs gzhan phal dag dang mi 'dra bar sems rnam g.yeng du mi gtang bar nan tan nges tig gis rig pa'i tshig 'dzin skyor rtsod pa sogs sgo gang thad nas ched du don gner brtson pa zab mos legs 'bad byas shing | de nas rim par 'ju mi pham rgyal sogs chen po'i blo gsal khyad 'phags du ma dang mnyam du tshad ma rnam 'grel la slob gnyer 'dzin skyong rgyugs 'bul dang |
de'i 'phros phar phyin la gzhung rgyugs phul rjes rang gis gser 'phreng sogs kyi phar Tika 'ga' dang sbyar nas thos bsam des rtog gnad khel gyi ngang nas sbyang brtson mdzad la de yang phar phyin gyi skabs dang po song mtshams su mi nyag dge bshes rin po che'i zhal nas | rgyal ba'i bka' chos yongs rdzogs kyi bklag lung nyin rer po ti gcig dang ldeb brgya re tsam sgra tshig gsal bor dal bus legs par gsungs pas zla ba gsum gyis legs brub mdzad pa de yang dam pa 'dis rdzogs par gsan | dge bshes rin po ches de 'dra'i bklag lung lan brgyad du gsungs myong ba zhig ste de skabs su gzhan yang dge bshes mchog de nyid kyis | rje bdag nyid chen po'i bka' 'bum nas 'jug Tika dgongs pa rab gsal | gtor ma brgya rtsa | sngags byang gi phyir bcos rnams dang | rje'i gsung rgyal tshab kyis zin bris su btab pa'i spyod 'jug sher 'grel dbu ma rgyan 'grel gnyis dang | rje'i phar phyin gser 'phreng rnams kyi bklag lung gsungs pa nyid la de skabs su legs par thob cing thugs la gtam rgyud du ma re zin pa byung zhing | de skabs bar bar du ngan song gi sems can gyi sdug bsngal la bsam nas byams snying rje bzod blag med pa dang | las 'bras kyi tshul la gting nas yid ches rnyed pa sogs thugs gshis 'gyur bag gi rnam pa cir yang byung ngo | dge bshes rin po ches maNDala rten lug 'bul mkhan mang po la thugs dgyes kyi ngang mi 'jigs pa skyabs kyi sbyin pas 'gro phan bcas chos sbyin yang ci rigs pa re mdzad pa ma gtogs de min dngos rdzas gzhan phul kyang cung tsam mi bzhes la | de nas slar ser shul dgon du dam pa 'di nyid chos grwar zhugs te rang gis sngar gyi chos 'phro phar phyin skabs gnyis pa nas brgyad pa'i bar la rig lung sbyor ba brtsi ba sogs kyis slob sbyang mdzad cing | skabs bzhi pa'i dus blo gsal mkhas gnas thob pa mang tsam dang rigs lam gyi dam bca' dang bcas dge bshes rin po che sogs mkhas mang gong du bzhugs pa'i grwa tshang chen mo'i dbus su dam pa khong gis rtsod zla khams pa'i dge bshes blo bzang zhes pas | skabs bzhi pa'i rdzu 'phrul rkang pa bzhi'i thad nas rtags gsal btang ba la rig pa bzang zhing brjod pa gsal ba'i sgo nas dam bcas dang lan legs