[A:335] pham rnam rgyal gyi mdun nas | slob dpon pad mas mdzad pa'i man ngag lta 'phreng dang | rang byung rdo rje'i phyag chen smon lam rnam gsum kyi bshad lung dang | gnyan chen thang lha'i gsol kha bka' gtad bcas kyang legs par gsan | de nas rdza chu khar rdzogs chen dpal sprul bzhugs pa'i drung du | dam pa nyid phyin te der ring zhig bar gnas byas bzhin bzhugs skabs nyid kyis dpal spungs rdo 'bum chen mo la phyag 'bum drug brkyang phyag bskor ba'i sgo nas mdzad cing | de mtshams zla shas kyi ring du dpal sprul rin po che'i zhal snga nas | spyod 'jug gi bshad khrid zhib rgyas dang | de nas byams chos sde lnga'i 'grel pa thugs thog nas slob ma zhig gis rtsa ba sa bcad tsam bklag rjes ji bzhin zhib rgyas su legs gsungs kyis sgo nas thog mar rim pas rgyan rnam gnyis dang | de nas re zhig gi tshe 'byed rnam gnyis rgyud bla bcas kyi bshad pa yongs su rdzogs par gsan pa'i skal ba byung bas sngar gyi dbu ma'i tshul la gnas lugs stong nyid rang bzhin med tsam kho na la go na 'di skabs de nyid spros bral rang rig ye shes su nges thag chod pa byung |
de nas dpal sprul khong gi zhal snga nas | dam pa 'di sogs du ma zhig gis zhu ba'i ngor nyid kyis mdzad pa'i rdzogs chen snying thig gi sngon 'gro'i khrid yig kun bzang bla ma'i zhal lung gi dmigs khrid rim par gnang ba'i dbu tshugs te | chos de'i rang lugs thun mong blo ldog rnam bzhi las brtsams pa'i chos drug dang | thun min skyabs sems nas bzung sngon 'gro 'bum lnga lus sbyin bcas drug ste sngon 'gro'i khrid rkang bcu gnyis dang | 'pho ba'i zab khrid bcas chos khrid legs shod kyis rim pas phyag srol ji bzhin dus su gnad khel gyis nyams len tshad ldan dam pa 'di nyid kyis legs par 'khyol nges byas nas de rjes su dngos gzhi rdzogs chen ka dag khreg chod kyi gdams zhu ba'i re 'dod rje dpal sprul mchog gi snyan lam du legs 'bul gyi skabs rje gang nyid kyi zhal gsung las | da lan rdzogs chen las rang lugs dus 'khor gyi rdzogs rim gal che tshul rang gzhan gang thad nas zhib rgyas su bka' legs stsal gyi sgo nas de 'dra'i dus 'khor rdzogs rim nyams len gyis rtogs pa bzang po bsnyes pa ni deng dus su 'dzam thang sbyangs pa bla ma lta bu dkon tshul gyi lo rgyus dang de'i drung nas sbyor drug zhu dgos pa sogs zhib gleng bcas kyis rang yul du log nas de lugs kyi sgrub tshugs nges par dgos pa'i bka' lung gsal bo byung bzhin dam pa 'di'i dgung lo bcu gnyis steng nas bzung nyer lnga'i bar mi lo bcu bzhi tsam la stod phyogs su nyid kyis gong smos bzhin dam pa mang po'i zhabs rdul spyi bos len bzhin mdo sngags kyi chos bka' ches mang legs nod nyams len bcas kyi mthar slar rang yul phyogs su nyid dgung lo nyer drug par rje bla ma dpal sprul mchog dang 'bral mi phod bzhin rje nyid kyis skyes gnang thugs smon bcas kyis dam pa 'di'ang phyir 'ong khar phyag bskor smon lam zab mo'i bgyi ba de lugs