[A:337] 'bar ba zung gi yig cha'i man ngag ltar thun mong sngon 'gro skyabs sems nas bzung thun min dus 'khor lhan skyes bar gyi dmigs khrid rnams rim pas zhus te chos rje'i 'du khang steng du rang nyid kyis ji bzhin nyams len gnad khel gyis sngar rdzogs chen sngon 'gro'i skabs nas kyang thugs nyams su dad pa nges 'byung byang chub kyi sems rnams la myong ba rab tu gyur cing sdig sgrib dag pa dang tshogs bsags kyi rtags kyang ci rigs yod pa dang khyad par rmi nyams su rnga yab pad ma 'od du gu ru'i zhal mjal ba'i gsal snang sogs lam rang thad kyi myong rtags du ma yod pa'i khar 'dir yang myong rtags de rnams phal che ba sngar las kun nas 'phel rgyas su song zhing myong ba rtags mtshan kyang che tsam du nges par byung la |
dgung lo sum cu shing sprel gyi lo'i sos kar skyabs mgon rdo rje 'chang phebs nas gang gis slob bu dam pa nyid la mchog gi dbang gong ma bzhi legs par bskur nas thun min sngon 'gro gnyis pa dben gsum khrid legs par gdams te skabs kyi lus gnad sems gnad sogs kyi rim pa legs bslab kyis khrid lta yang yang mdzad nas de lugs ltar dben gsum gyi rnal 'byor la slob bu dam pas mnyam bzhag skabs sems gang shar ngos bzung dang bral ba'i ngo shes tsam legs bskyang gis rig pa gsal stong 'dzin med rang so zin pa'i ngang ji bzhin skyong thub pa byung ba de'i tshul nyid kyis skyabs mgon mchog la zhus tshe khong gis phyag chen sgom gyi lam sne zin pa'i ched du mho sprod mdzad | de nas dngos gzhi sor bsam gyi dmigs khrid bla ma mchog gis slob bu nyid la gnang skabs lus phud byin rlabs 'bebs dus su slob ma'i sems rgyud dbang bsgyur ba'i tshul gyis lus sems thams cad la dga' bde'i snang bas cir yang khyab cing chos dang bla ma rang bcas la yid gting nas ches pa'i dad bla blag tu 'phel bzhin dam pa rang gis sor bsam mtshan mo dang nyin mo'i rnal 'byor la rim pas nyams len skabs lus ngag yid gsum gyi nyams snang gi 'char sgo mtha' klas pa'i ngang nas 'od gsal rtags bcu'i rnam pa snang la rang bzhin med pa'i pra phabs lta bu'i stong gzugs thabs mkhas zab mo la brten nas las rlung ci rigs dbu mar 'gag pa'i byed las kyis don dam gdod nas bzhugs pa'i ye shes kyi rang gzugs rgyud tshod dbang ba dang 'tshams pa'i deng dus kyi mthong tshul bzang rab kyi myong rtags dus su byung ba'i sgo nas chos nyid kyi rang gzugs cha ci rigs mngon byed thabs mchog gi lam bzang la myong ba bslad med nub re bzhin mi chad pa lta bu 'ong zhing rmi lam la de tsam gyis rtsal cung med skabs de tshul bla ma mchog la nyid kyis zhus dus su gang gi zhal nas rmi lam rtsal sbyong naigu'i gdams ngag las 'ong ba yin pas de la rjes nas nyams len dgos tshul dang | skabs 'di dag tu gang mkho ba'i ngo sprod | spogs chog | bogs 'don ci dgos thams cad dgyes bzhin mdzad | skabs 'di mtshams shig tu bla ma rdo