[A:350] dus su bu chung rang gis gtam ci yang smra mi shes pa lta bu yin kyang nyin cig sbyangs dbon kun dga' phun tshogs rgya mtsho bzhugs pa'i pang du bu chung de nyid byonte zhal nas thugs rje chen po'i snying po yi ge drug ma sgra dag gsal bo'i sgo nas lan 'ga' rang byung kyis 'don pa byung bas der gnas kun yid ngo mtshar skyes te snang ba ha las pa byung zhing | 'di skor du sku skyes byis pa de nyid bar bar rnams su rang khyim mchod khang dra mig dag las zang thal du bud pa yang nye skor ba dag gi mthun snang du gyur pa'o | |
dgung lo gsum pa sa sprel lor dza 'go'i dge bshes rin po che 'dzam thang chos rje'i khang gsar du phebs skabs sku skyes chung ba de nyid la khong gis byin rlabs bsrung ba bcas kyis kun dga' dpal zhes pa'i mtshan brje ba mdzad bzhin khyod ma 'ongs na chos rje nya dbon pa lta bu'i bstan 'dzin gyi skyes chen zhig 'ong ba'i rten 'brel yin | zhes gsungs pa sogs kyis gzengs bstod dus su gnang zhing | de dang mnyam du chos rje sku pyogs nas kyang byin rlabs bsrung ba bzhes spros gnang sbyin bla blag tu mdzad la | 'di skor ci rigs par chos rje sgar gyi lha bsrung gis bdag gnyer byas pa'i ltas mtshan sku skyes chung ba'i rmi lam du chos rje'i pho brang nas a tsa ra'i rnam pa dang gzhan mgo brnyan sna tshogs pa can du ma 'ong nas sku skyes rang nyid dbang med du 'khrid par mdzad pa'i snang ba yang yang byung ba dang | bar skabs shig tu rang khyim khang pa'i gral phyal gyi wa kha byang ngos phyogs su yod pa'i steng du sku skyes nyid phar byon te wa kha de'i sna phyogs su nyid kyis gos bya gshog ltar brgyangs te tsog pur bzhugs nas 'phur la khad byed pa der gnas 'ga'i mthong chos su gyur tshe mig gis blta mi bzod pa lta bu'i de lhung gi dosg pa skyes nas ku co sogs kyis bag zon nyer bskul gyi skabs sku skyes rang gi zhal 'dzum pa'i mdangs dang bcas phyag gnyis kyis gos gshog pa ltar byas te phyogs thams cad du gzigs mol bya bzhin bag tsha ba spu tsam med du bor ba nyin cig khang thog tu de 'phral thon nas bzhugs yod pa dang | sngon chad rang mgo mi thon pa lcogs ra'i nang du bzhugs skabs kyang zhal nas maNi gsung zhing phyag gis pad skor gyi phyag rgya mdzad bzhin rang thog gi dngos po bsal 'gebs ci dgos kyang nus pa dang bar bar rnams su lcogs ra de nyid kyi steng 'od dkar po zhig gzhan ngor mthun snang du byung ba dus dus su bsnyon du med pa'i legs mtshan dang | rang khyim gyi nye 'khor na yod pa 'ga' la khong gis da tshod maNi 'don pa gal che ma gtogs nam zhig phyi mar ngan song du lhung nyen yod tshul gyi blang dol chos gtam gyis go brda yang yang sprad pa sogs sgo gsum gang thad nas gzhan phal las khyad mtshar can zhig go | |
de nas dgung lo bzhi pa sa bya'i lor skyabs mgon sbyangs pa'i gdan sa srib lung ri khrod du sngon chad skyabs mgon nyid kyi nye gnas bla ma lha ldan dang 'gro phan gnyis bzhugs pa'i sku drung du sku skyes