[A:351] chung ba de nyid ma yum gyis gro chas sogs dang bcas bskyal te klog bslab pa lo phyed gsum tsam sku skyes nyid nas mdzad kyang na tshod ha phra ba dang slob dpon gyis do gal cher ma byas stabs klog kyang ji bzhin mthar phyin ma byung zhing mnol rtsog gis sku la cung zad grib rkyen so srin gyi nad sogs mi be ba re yang byung la | de rjes dgung lo bdun tsam gyi steng chu byi'i lor rang gnas 'dzam thang gi nye skor glang po'i ri khrod du bla ma dam pa lung rig bzhugs pa'i drung du sngar gyi klog slob mjug legs grub ched sku skyes nyid 'ong ba'i thog ma ri khrod de nyid kyi nye 'dab tu slebs sku skyes nyid kyis sngon gnas dran pa'i tshul gyis zhal nas | ya gi ri khrod kyi gnas der sngon chad nga rang sdod myong zhing | de phying gur phung gur phubs nas 'dug pa'i gnas ni 'di ka'o | | zhes ngos bzng gsal bo mdzad pas der gnas grogs sogs sngon gyi yin lugs ji bzhin thog tu khel ba la yid gting nas ches te dad'dun gyis bzung ba'i gnas su byas skad | de nas bla ma lung rig gi mdun nas sku skyes de nyid kyis klog yig gi mjug legs bslab kyi skabs nyin cig tu sha rgya'i mkha' 'gro ri khrod der byon nas sku skyes gzhon nu'i rtsar bzhugs bzhin thugs dgyes pa'i ngang zhal nas | sku skyes de nyid sbyangs pa skyabs mgon mchog gi rnam par 'phrul ba yin nges kyi bka' lung sna tshogs pa'i brjod sgo mang dag cig stsal ba nas bzung der bzhugs slob dpon bcas kyis sngar las thugs yid lhag par ches shing brtsi bkur kyang de lugs bzhin mdzad cing | bla ma lung rig gang dang rje dbon 'gyur med rnam gnyis kyis sku skyes gzhon pa'i sku grib sel thabs sna tshogs pa mdzad pas re zhig so srin gyi nad sogs kyang rim pas sos pa tsam byung | sku skyes nyid 'di skor rtsed mo'i gnas skabs kun kyang khong gis 'dus sde mang po bsdus nas chos 'chad pa sogs bstan pa chos gzhi legs skyong gi mdzad sgo'i snga ltas su 'os pa'i zlos gar rtsed 'jo ci rigs pa rgun du mdzad kyin 'dug pa zhig go | |
de nas dgung lo bryad pa chu glang gi lo'i dbyar zla 'bring bo'i yar tshes brgyad kyi nyin chos rje'i dbon rin chen dpal bzhugs gnas kyi mchod khang du brtan mkhas kyi yon tan mchog mnga' ba'i dge slong chen po rje dbon thub bstan 'gyur med rgya mtshos mkhan slob sbrags ma mdzad | yongs 'dzin dam pa lung rig rgya mtshos skra bregs mkhan po byas shing gzhan kha skong gi dge 'dun | sbyangs dbon phun tshogs rgya mtsho | gnyer ba bla ma kun dga' chos bzhin sogs dge 'dun grangs tshang gi mdun drung nas | sku skyes dam pa 'di bas tshangs spyod dge bsnyen dang | bar ma rab byung sngon du 'gro ba'i dge tshul sdom pa yang dag pa legs nod mdzad | de'i ston khar chos rje'i grwa tshang 'du khang du rje dbon 'gyur med rgya mtsho gang nyid kyis | grwa tshang yongs nas zhu ba'i ngor shangs chos naigu'i nang gi sgos bka' drug dang | phyi'i bka' dbang cha tshang sgrub thabs brgya rtsa'i rjes gnang | rgya gzhung gi bklag lung bcas gang mdzad