[A:379] byin rlabs mdzad pas 'tsho dka'i nad dmu chu rkang 'bam skran pad kan tshad gzer sogs las grol ba'i lo rgyus du ma yod la | yab bar skabs bud khang gi mtshams khang du bzhugs skabs mi min skyes bu mi dkar rta dkar can mdung dkar po thogs pa zhig gis sa min las grub pa'i thugs rje chen po'i sku brnyan tshon gang ba dngos su phul ba dang | lha chen rdo rje khyung grags kyis ma 'ongs 'byung 'gyur sgrub khang gi chos gzhi legs 'debs kyi bskul ma dang bcas 'phrin las gang bcol sgrub pa'i g.yar dam yang byas | de ltar gyi sgrub grwa legs bzhengs byas na bzang tshul 'dzam thang gtsang pa'i rdo rje slob dpon ngag dbang chos 'byor zhabs pas ma 'ongs lung bstan mdzad pa bzhin gyi chos gzhi legs btab mdzad pa yin |
khong nyid kyi thugs dgongs su phyag rdzogs dbu gsum gyi lta ba'i zab gnad 'khrungs tshul dam pa 'dis snga phyi ci rigs su gtsang chen pho brang sgrub grwa tshun dang rang gnas dgon pa sogs su sbyor drug yang bskyar lan grangs dgu tsam gyi grub 'bras nyid kyi dgongs nyams nges don dbu ma spros bral mi rtog 'od gsal phyag chen 'khrul med kyi mngon rtogs rang lugs zab lam srog gi 'pho gegs las rgyal zhing srog gzugs khyad par ba grub cing stong gzugs thig le bde chen gyi ngo bor grub ste rim pas rang lha skur shar ba'i sgo nas ba spu'i bu gar lha tshogs rab 'byams kyi spro bsdu rang shugs kyis byung zhing sku tshe'i mtha' tsam la gzhi 'khor bas bsdus pa'i phung khams sogs dag pa'i bde gshegs so drug gi don dam pa'i dkyil 'khor rab 'byams brtan g.yo kun khyab kyi ye gzhi rang byung ye shes chen po la nges par reg la khad du gyur cing gnas lugs bde gshegs snying po 'od gsal phyag chen gyi ngo bor mngon tshabs ches mthar thug tu gyur pa dang | gzhan rdzogs chen phyogs la mtshon na | ji skad du | chos zad klong du chos sku'i dgongs pa brnyes | | zhes gsungs pa ltar kun rdzob 'khrul snang gi bslu chos mtha' dag zad nas don dam blo 'das gnyug ma'i ye shes khyab brdal chos dbyings kyi ngo bo ye shes sku lnga sgra 'od zer gsum gyi snang ba dang bcas gshis nas rig pa ka dag gi rang zhal ches gsal ba'i dus su slebs pas gang thad nas gsang chen lam gyi bla na son pa'i rdo rje 'chang chen po'i go 'phang na bzhugs phyir | skyabs mgon sbyangs pa sogs kyis kyang dam pa 'di la rang lugs kyi nges gsang mthar thug rnyed tshul gyi che bsngags rgya cher mdzad do | | dam pa 'dis dbang bka' sogs gsung skabs lha rigs kyis me tog dus su 'thor zhing | chos rgyal rigs ldan gyis mkha' dbyings su ye thig 'debs par mdzad pa dang | gzhan slob bu dag snang can gyi ngor khong nyid dus kyi 'khor lo'i sku 'od zer mtha' yas pa'i spro bsdu mdzad bkod dang bcas rigs bdag bla mar bzhugs pa'i snang ba sogs gsang gsum gyi mdzad pa kun nas bzang ba'i khyab bdag 'khor lo'i mgon du legs par bzhugs pa'o | | khong gis mtshams bsnyen