[A:386] bslab dus shig na nyin cig ri mgo zhig tu byis pa'i sku rtsed kyis rdo'i mchod rten lta bu zhig bzhengs nas rtsed mos rab gnas sogs kyi mdzad sgo gnang rjes de phyin rdo'i mchod rten lta bu de yul de'i sa gnad legs bsdam gyi rten dam par gyur nas yongs la phan thogs byung skad | de sogs sku na phra ba'i skabs na lo rgyus ngo mtshar ba du ma yod cing | tshul de 'dra'i sgo nas klog sogs byang chub pa'i re zhig gi tshe sngon gyi las smon zab mos sbrel ba'i dbang gis 'dzam thang gtsang chen pho brang du sprul pa'i sku dkon mchog 'jigs med rnam rgyal bzhugs pa'i drung du bsnegs te sprul pa'i sku nyid gus pas bla mar legs bkur gyis chos sgor zhugs pa na khong gi rdo rje'i mched zla gtsang pa dge slong ngag dbang chos 'phel dang mkhar ba bla ma ngag dbang bsam gtan gnyis yin zhing | gtsang chen sprul sku mchog gis skal ldan las can dam pa de gsum rdo rje'i slob ma dbang po yang rab tu gzigs nas zab chos kyis rjes su bzung nas thog mar rnal 'byor yan lag drug gi sngon 'gro'i chos dkor sdom lung 'bog pa bcas kyi sgo nas dam pa 'di nyid la ngag dbang bstan pa gsal byed ces pa'i mtshan gsol ba nas bzung rim pas zab lam yan lag drug gi zab mo'i lam gyi rim pa ji bzhin nyams len gyi sgo nas thog mar sor sdud kyis stong gzugs mngon du byas bsam gtan gyis rang sems kyi chos nyid du mthong srog rtsol gyis rlung gi dwangs mar shar 'dzin pas thig le'i rang mdangs su thag chod rjes dran gyis rang lus dag snang du bsgyur ting nge 'dzin mchog gis mi 'gyur bde chen ci rigs mngon du byas pa'i tshul lam so so'i skabs rang rang gi nyams myong ches khyad par bar gyur cing rlung sems la rang dbang thob nas mngon shes sogs zag med yon tan gyi sgo du ma dang dag chen dbyings nas dpal bde mchog 'khor lo dbu 'bum phyag 'bum gyi rnam pa dngos su phebs nas khong la thim pa sogs dag snang rgyan gyi 'khor lo mtha' klas pas gyur te | gzhan yang skyes chen du ma'i mdun nas zab chos kyi sgo mang po gsan sgom mdzad pas rang don rim gnyis kyi mngon rtogs tshad mthon por slebs pa'i mtshams re zhig gi skabs na rang yul wa shul grong ba'i mdun g.yas su dam pa khong nyid dang mngon spyod kyi mthu nus can sngags pa nor bu dang | bser ba dge legs zhes pa gsum gyis rang rang gi dgon khang re re byas te dam pa gang gis cig shos gnyis la thog mar zab lam sbyor drug gi myong khrid mtha' rgyas yongs rdzogs su snga phyi bar gsum la nyer mkho'i chos bka' rgya che ba dang bcas legs gnang mdzad pa nas bzung gzhan gdul bya rjes 'dzin gyi 'phrin las ci rigs pa'i sgo nas nges don sgrub brgyud kyi bstan pa dbu tshugs pa'i chos gzhi ri khrod dben gnas kyi dgon 'di de phan chad nas chags |
de nas rim par re khrod der wa shul bstan rgyas dang bya yul dpal ldan gnyis la de lugs ltar rnal 'byor yan lag drug gi dbang lung zab khrid mtha' dag gnag nas chos tshan sgrub pa'i sde legs