[A:387] bskyang mdzad pa sogs kyis bstan 'gro'i don chen spel zhing | 'di skor khong nyid mnyam bzhag skabs dgun zla tha chung du rgya gar nas 'bras kyi snye ma sngo ljang phun sum tshogs pa dngos su rnyed nas der gnas kun la ston par mdzad cing | thugs mnyam bzhag ngang skad cig re nas rigs lnga'i zhing sogs dag ma dag gi zhing khams rab 'byams su bgrod de zab dang rgya che'i chos sgo mtha' klas pa gsan sgom mdzad nus pa'i chos sbyin zab mo'i ting nge 'dzin khyad par can la dbang 'byor ba sogs zla dang bral ba'i spong ba bsam gtan gyi rnal 'byor mchog la ma'ang brnyes pa ste | gang gis bar bar rnams su skyes chen dam pa bla ma chos 'phags sogs ches skal ba dang ldan pa mang po la rjes gnang brgya rtsa sogs kyi dbang bka' dang | dus 'khor 'grel chen dang | kun mkhyen dol po'i bka' 'bum dang jo nang rje btsun gyi gsung 'bum yongs rdzogs kyi bklag lung sogs zab bka' chos kyi sgo 'phar rgya che ba snga phyi ci rigs su yang yang phye ba'i mdzad sgo dang bcas yun ring bzhugs pa'i sku tshe'i smad tsam na rang yul wa shul gyi grong du rnam dkar bya ba las kyi 'khor lo'i rten bzhengs kyi mthun rkyen legs sgo rgya cher mdzad pa la chas te khong dang lha bzo bla ma zung gis grong der yul mi dag gi bsod nams kyi zhing du bdud 'dul mchod rten bzhengs pa'i sa 'dul sngon du mdzad de thugs rten legs bzhengs kyis phyi dang nang gi bkod pa rten gsum bris 'bur sogs sgo gang thad nas mdzes khyad ma tshang ba med pa'i rten mchog gsar bskrun mdzad skabs mgo log lu ku sogs yul mi kun gyis zhabs 'degs rgya cher bcas mtha' rgyas rab gnas dga' ston ngo mtshar rtags kyi dge mtshan mi dman par legs grub mdzad |
dam pa 'di nyid kyis gsang chen zab mo'i rtogs pa dpyis phyin mnga' brnyed pas gzhan bsam sbyor log pa'i byad kha sogs rkyen gang gis mi tshugs shing lha chen mgon po drakSad lcam dral 'khor bcas kyis nam yang bka' las mi 'da' ba'i tha tshig gi sgo nas gang bcol 'phrin las thog med du sgrub cing | khyad par ra 'bos sde pa'i yul skyong la bsang gi gsol mchod gsung rtsom mdzad pas legs mtshan rdzas kyi yong sgo dang bcas bka' bzhin legs sgrub kyi dam bca' phul ba dang | rang yul skyong ba'i gzhi bdag la bsang yig brtsams pas dus nam yang sdong grogs mi g.yel ba'i g.yar dam lhod med mdzad pa sogs chos bzhin skyong ba dag gis ji bzhin khong gi bka' la legs nyan gyis bsrung ma nam dgos dus su mdzad la | de ltar don gnyis kyi mdzad sgo rgya che bas legs bzhugs mthar khong gi gdan sa la lha bzo bla ma bsko bzhag dang ma 'ongs pa na ri khrod 'dir dgon khang bzhi bcu tsam 'byung ba'i bka' lung gsal po bcas sgrub gnas ri dgon de'i ming la bkra shis lha rtse'i dgon zhes btags par mdzad | de mtshams shig nas khong gi rdo rje'i spun gyi mched zla 'dzam thang gtsang pa dge slong gis dag zhing gzigs pas de'i thugs dam legs bkrol mdzad mkhan du 'bod mi byung tshe | khong gi zhal