[A:388] nas | da lan nged kyi rdo rje'i spun gtsang pa dge slong dang kho bo gnyis ni shar phyogs mngon dga'i zhing du song nas phyir mi ldog par 'gyur rgyu yin | rdo rje spun mkhar ba bla ma ni da dung lho nub srin yul du song nas 'gro don mdzad dgos pa yin | zhes gsung nas khong nyid 'dzam thang gtsang pa'i pho brang du phebs nas zhal zas kyi bya ba mdzad rjes zan lhag rnams chibs rta la sbyin dgos gsung bzhin 'phal du dge slong thugs dam du bzhugs pa'i mdn drung la phebs te | brda dang bcas dkor zan pho che da 'gro ran | de nas khong nyid rang yul du slar log ste yul mi rgan pa dag la zhal nas 'di skad | da lan gtsang pa dge slong ni mngon dga'i zhing du phebs par 'dug | rang yang 'dir 'gro don re zhig rdzogs pas zhing der 'gro ran pa yin | da dung khyed cag tsho'i don la nga nyid phyir sku skyes su 'ong dgos sam | zhes gsungs tshe | rgan pa de dag gis 'byon mi dgos par zhus pa na | de nas 'phral du thugs dgos chos kyi sbyings su mnyam par bzhag tshul gyis sku mya ngan las 'das so | |
de la 'das mchod rgya chen dang bcas sku gdung zhugs la legs bzhu mdzad tshe mar stong phrag lhan cig tu bltams pa lta bu'i du ba med pa'i 'od lam lam 'ba' zhig gi phung po nyid du gyur pa sogs ngo mtshar ba'i ltas mang zhing | 'di skabs sngags dpal yul ba'i grub brnyes kyi skyes chen rig 'dzin kun bzang shes rab kyi thugs sras bu chen bzhi'i ya gyal shug sgang 'ba' 'dang zhes pa'i rtogs ldan rnal 'byor gyi dbang phyug cig bzgugs pa de'i thugs mngon shes kyi gzigs snang ngor | 'dzi ka phyogs kyi dgon pa kha nub bstan cig gi nang nas 'gro 'dren mchog cig sku 'das tshul gyis ngan song gi gnas nas sdug bsngal myong ba'i sems can gdul zhing du gyur pa bye ba gcig tsam 'dren bzhin shar phyogs mngon par dga' ba'i dag zhing du rgyal ba mi bskyod pa bzhugs pa'i zhabs drung der legs byon mdzad par mthong ba bzhin don la 'gro ba'i 'dren pa mchog de lugs ltar du gor ma chag cing mdzad 'phrin slabs nges par che ba zhig ste | 'di'i slob bu rtogs pa'i dbang po sngags pa nor bu sogs sngags rig 'dzin pa'i rnal 'byor pa du ma yod pa'o | |
lha rtse'i dgon gyi rdo rje slob dpon ngag dbang chos 'dzin zhabs pa |
6. gang de'i gdan sa 'dzin pa'i sgo nas sgrub brgyad bstan pa cher spel mdzad pa po ni gsang chen sngags kyi rdo rje slob dpon chen po ngag dbang chos 'dzin zhabs ste gang de'i lo rgyus mtshon tsam gyi tshul yang rje 'di ni don gyi yin lugs ltar na sems dpa' chen po nam mkha'i snying po'i rnam par 'phrul ba mtha' yas phyogs gcig ris mthun thun mong gi snang ngo tsam la rgya gar 'phags pa'i yul du grub pa'i dbang phyug bde spyod bzang po dang | gangs ri'i ljongs kyi dbus gtsang du jo nang