[A:449] shes rab bzang sogs | mkhas tshul sogs | 'jam dbyangs sogs | dbyangs snyan sogs | bla ma byang bzang sogs | mkhas dpal sogs te | de 'dra'i chos tshan so so dang | de dag dang dus mnyam par naigu dang | bskyed rim sna tshogs sogs mtshams sgrub pa tshan snga phyi mang po dang | lo bstar gyi dbyar gnas pa sogs de kun la rang 'tsham gyi chos bka' dbang lung zab khrid ci dgos dang dge tshul slong gi sdom pa'ang snga phyir lan du mar gnang zhing | dgon de'i dbyar gnas kyi mkhan po dang | gzhan tsang pa grwa tshang gi sku rim sgrub bla dang | 'tshogs pa'i khri 'dzin sogs rnam dkar chos ldan gyis gzhan don rgya cher spyod pa dang mnyam du nyid tshogs bsags sgrub sbyang spyi dang yang sgos rten gsum legs bzhengs mdzad pa sogs sgo gang thad nas mdzad pa rgya che bas khong nyid dgung grangs don drug bar du legs bzhugs mdzad rjes dgung lo de nyid kyi steng du lha ris sogs dgon de'i dge 'dun 'dus pa spyi'i rten bzhengs legs grub dang thugs sras slob tshogs dag la gsung 'phros kyi bka' mol zhal ta sna tshogs dang | nyid yun ring mi bzhugs tshul dang gshegs rdzogs sogs kyi bgyi ba gang dgos mtha' dag zhib rgyas su gsungs nas thugs slob dag gis bzhugs zhus phul kyang ma gnang bar bla ma rgyal bzang bla ma mtshan ldan zung la dgon de'i sgrub brgyud bstan pa yongs gtad kyis rgyal tshab tu mnga' gsol rjes | zhal nas | da ni khong nyid thugs 'od gsal spros bral gyi ngang nas byang phyogs shambhalar rigs ldan ma 'gags pa'i sku drung du thugs 'dun legs gtad kyi tshul dang | gsung 'phros kyang 'ga' zhig gnang ba'i mthar lo de'i zla ba brgyad pa'i tshes nyi shu'i dgong mo tsam na nyid sku seng ge nyal stabs kyis bzhugs rjes su dkar dmar gzigs bzhin sku chos dbyings su thim nas thugs dam la zhag drug tu bzhugs rjes su dkar dmar ji bzhin 'bab pa'i rtags dang bcas thugs dam legs par bkrol te slob tshogs kyi dgongs mchod gdung rten sogs bsod nams kyi bsags sgo rgya cher bgyis pa dang thugs slob che ba ji ltar yod sogs dam pa 'di'i sku tshe'i stod smad kyi mdzad chen spyi'i tshul rgyas pa bdag gis bsgrig pa'i nyid kyi rnam thar na gsal |
bya yur dgon gyi gdan sa ba ngag dbang gsal bzang |
14. de rjes su dam pa 'di'i gdan sa legs skyong gi gtso bo ni nyid kyi thugs slob tu'ang gyur pa mthu nus mchog mnga' ngag dbang gsl bzang zhabs pa ste | 'di'i lo rgyus yang 'dzi yul smad kyi char gtogs pa mu mda'i zhes pa'i yul grong der yab rig mchog dang yum bso skyid gnyis kyi sras su shing pho rta la sku 'khrungs | de nas bskyed bsring ba'i skabs su'ang sku na chung ngu'i dus nas chos la gzhan gyis ma bskul rang shugs kyis nges par dga' spro che ba'i thugs blo can zhig ste grangs bdun brgyad tsam na klog yig legs par bslabs pas ji bzhin shes pa byung zhing skabs rnams su nyid kyis