[A:461]
de nas khong nyid dgung grangs lnga bcu nga lnga tsam la slebs skabs su 'dzam thang gtsang pa'i rdo rje slob dpon kun dga' mkhas grub dbang po dag zhing du gshegs nas gzims khang sgrub grwa tshun gyi thun pa rnams lo gcig dang phyed lhag la 'dzam ngos bla ma kun dga' ngag gi dbang pos chos khrid kyi mjug bskyangs | de mtshams shig nas chos rgyun chad la nye skabs dam pa 'dis bstan pa la thugs khur legs bzhes kyi sgo nas khong nyid dgung lo nga bdun skor tsam nas bzung rang gnas kyi dgon pa'i chos sde sgrub po rnams dang | 'dzam thang gtsang pa'i gzims khang sgrub grwa bcas kyi chos thun pa rnams la nyam du thugs brtse bas rjes su bzung nas dbang lung zab khrid gang dgos kyi rim pas nyid dgung lo re gcig gi bar ji bzhin legs bskyang mdzad pa ste | de yang 'di dus su gzims khang gi chos thun pa bla ma ngag dkon sogs yin zhing | de nas rim pas sgrub grwa ba tshun la lo re re bzhin sgrub thabs rin 'byung cha tshang | rgyud sde rab 'byams yongs rdzogs | rdo rje 'phreng ba cha tshang sogs dbang bskur che ba re re dang | kun mkhyen chen po'i bka' pod drug gi bklag lung sogs lung khrid 'bor chen re yang lo rim bzhin mdzad pa yin | spyir na khong gi dbang nam gsung skabs nyid kyi thugs snang du kun mkhyen jo nang pa chen po dngos su byon nas gsung gi snang ba 'ba' zhig dang | bar bar du kun mkhyen chen po'i thugs dang thugs yid dbyer med byas pas kun mkhyen gyi thugs ka nas thig le sngon po'i tshogs dpag yas spros te slob ma gang dag la thim pa'i rkyen gyis de dag la ye shes phebs pa ched mang byung ba'ang yod |
de 'dra'i tshul gyis rdo rje'i slob bu gang dag la bar bar rnams su byin chen gyi snang ba'i legs mtshan yang yang stsal cing | dpon slob thams cad la nyams bde ba'i 'phar g.yo dus dang dus su cig char gyi tshul du 'ong ba rgyun mar du yod la | 'di skor zhig na zhag bla gter chen bso rgyal dpon slob rta mdor phebs nas dus 'khor dbang chen zhu ba'i phrin yig ka thog bla ma blo ldan la bskur nas bang mir gtang byung ba dam pa khong nyid gtsang pa'i gzims khang du bzhugs pa'i mdun drung du slebs tshe khong gi zhal nas | da dung do nub rmi lam zhig brtag dgos gsung | de'i nub dam pa gang gi rmi nyams su gu ru rin po che'i sku gser las grub pa 'od dang ldan pa zhig dang | sdong po lo ma rgyas pa'i lo 'dab kyi ngos rnams su gu ru sidhi'i yig gzugs kyisnang brnyan ches mang gsal po dod pa de gnyis la rdul gyi dri mas cung tsam gos yod pa khong gi phyag gis legs sel mdzad pa'i thugs snang shar ba bzhin phyi nyin de lugs kyi dgos pa don dang ldan par mkhyen nas | dbang bskur chog tshul gyi zhal bzhes gnang ba ltar gter chen gang nyid gtsang pa'i gzims khang du byon te | dam pa mchog gi drung nas dus 'khor dbang mo che | slob ma rjes 'dzin | sta gon | byis 'jug | mchog dbang | mchog