[A:467] po sogs kyi dmigs khrid zhus nas bsnyen mtshams kyang tshad ldan re re mdzad cing | 'di skor zhig tu ri khrod der sbyangs pa bla ma kun dga' nges don zhabs shos mda' sang 'du khang la rab gnas kyi zhor du legs phebs mdzad de | gang de'i drung nas dam pa 'dis sbyor drug ngos 'dzin gsol 'debs kyi bklag lung zhus te snying nas dad pa bla lhag tu 'phel ba'ang byung | 'di'i gong 'og ci rigs su dam pa rnam gnyis gang rung gi mdun nas dus 'khor dbang chen | kun mkhyen chen po'i bka' pod kyi bklag lung sogs chos bka' ches mang re yang gsan nam snyam |
dgung lo nyer lnga'i dus su 'dzam thang chos sder sbyangs pa bla ma kun dga' nges don zhabs pa'i mdun nas | 'dus pa mang po dang lhan cig tu rje btsun rin po che'i bka' 'bum las byung ba'i sgrub thabs rin 'byung cha tshang gi dbang bka' sgrol dkar yid bzjin 'khor lo nas bzung bkra shis tshe ring mched lnga'i bar yongs su rdzogs pa legs par mnos so | | de nas 'di skabs gong 'og ci rigs la khong gi thugs dgongs su da ni dal 'byor gyi lus rten la snying po len pa'i thabs dam pa'i chos rnam dag cig bsgrub pa la blang dor ji bzhin shes pa zhig med mi rung zhing de yang theg chen lam gyi gzhi rtsa byang chub kyi sems 'di nyid gal nges par che la de smon pa dang 'jug pa kyad par gyi sgo kun nas ji bzhin bsgom pa'i thabs tshang la ma nor ba ston byed kyi gzhung bstan bcos rnam par dag pa 'phags bod kun tu 'gran zla dang bral bar yongs su grags pa gsung rab mchog tu gyur pa ni rgyal sras zhi ba lha'i spyod 'jug nyid dus nges pas na zhi ba lha'i sprul rin po che ste de'i zhal mjal ba'i skal ba da lta med kyang khong gi dngos slob chos 'di'i bshad khrid zhib rgyas su gnang ba'i byin rlabs kyi nye brgyud mnga' ba ni 'gya ba a lags sam mtshan gzhan mdo sngags rgya mtsho zhes pa deng sang sku dngos bzhugs yod pa de yin pas gang de'i drung du da lta gang ci'i thad nas byang chub sems dpa'i spyod 'jug gi gzhung khrid zhur 'gro ste ji bzhin slob gnyer kyang nges par bya snyam pa'i dam bca' 'gyur med shugs che bas nyid thugs legs par bskul te rang yul nas khong nyid mgo log phyogs su song ste slebs ma thag a lags rin po che dang mjal skabs ma 'dzoms pas ring zhig tu 'gyangs skabs der mi khyim zhig gi zur du dka' ngal yang che tsam myong dgos byung rjes nas a lags rje dang mjal phrad kyi skal ba byung nas rje nyid kyi drung du spyod 'jug gi bshad khrid legs par thob cing slob gnyer kyang mdzad | de nas rang yul du log rjes su gzhung de'i bstan bya'i don byang chub kyi sems bsgom pa'i thabs tshul la chos don bsam pa dang ji bzhin nyams len gyi bsgom pa yun mi thung ba zhig kyang mdzad do | |
de nas dgung lo nyer bdun nyer brgyad skor sogs nas nyid kyi thugs la rgyal ba'i bstan pa mtha'