[A:475] gis dben pas rang cag la mdzad sgo de ltar gyi bsod nams mchog gi las 'phro ma yod do | |
yang dus phyis shig tu gang nyid dar lnga'i ri khrod bzhugs pa'i sku mdun la bya yur bla ma rin chen bzang byon nas zhus pa | rang gi bsam pa la mi med ri khrod dben gnas kho na zhig 'dod mod | de lugs ltar na rang mgo thon pa'i 'jigs skyobs shig sdug thug nyin ji ltar yod snyam pa na | sems la thag ma chod pa zhig gi dogs pa yod tshul zhib rgyas su zhu ba phul tshe | khong gi zhal nas | khyod kyis kha min gting nas 'chi chos gsha' ma de 'dra zhig nges par bsam na | sdug thug nam dgos kyi dus su kho bo dran te gsol ba snying nas thob dang mi dang mi 'phrad pa bzhin dngos gnas dod pos skye grogs gang dgos dang 'jigs skyobs dpung gnyen du nam yang mi 'bral ba'i gsal kha lkog tu ma gyur pa'i legs mtshan dus su bslu ba med nges kyi thad nas nga rang gis de ring khas blangs pa yin | zhes gsung ba'i mod bla ma rin chen bzang gis yid gting nas ches te ri khrod du 'gro bar sems thag bcad nas de lugs kyi khas blangs dang bslab bya sogs kyang zhus | dpal ldan bla ma mchog gi thugs lhag par dgyes ngos nas | khong gis ri khrod kyi bslab bya rgyas pa'i gsung rtsom dang dbang lung zab khrid gang dgos rnams dang nab gzan sogs nye bar mkho ba 'gas gnang sbyin dang bcas lam du brdzang bar mdzad bzhin thugs smon rlabs chen gyis bskyel thung yang byas | de nas rim pas bla ma rin chen bzang byang kha phyogs brgyud de nges med kyi sgrub gnas la legs thegs mdzad skabs rnams su dang po rmi lam gyi ngo tsam du ma'i gsung gi snang bas bya spyod kyi tshul dus su 'doms pa dang | de nas re zhig gi tshe rmi lam du bla ma'i sku'i snang ba gsal po bcas gsung gis legs nyes ji bzhin ston pa dang | de mtshams shig tu byang phyogs kyi ri khrod cig tu nyid gcig pur sdod skabs nyin cig snga dro'i cha la nam mkha' g.ya' dag pa'i dkyil nas sprin dkar gyi lam du 'dzam ngos rdo rje 'chang sku dngos kyi rnam pa ji bzhin legs phebs mdzad nas gsung gis gdams pa sna tshogs gnang bas rlabs chen byin rlabs kyis slob bu gang de'i thugs rgyud la ye shes phebs te nyams rtogs gsar pa'i sgo legs 'byed dang dad gus rgya che ba'i shugs btsan pos mig chu gting nas khol zhing lus kyi spu long kun nas g.yo bzhin bla ma sangs rgyas dngos mthong gi 'du shes gting tshugs par gyur pa nas bzung de phan chad nam dgos dus gsol ba btab tshe sku dngos ji bzhin legs byon gyis gsung gis gdams pa dus su stsal ba ni skabs re tsam ma yin par dgos pa nam byung gi dus thams cad la yin par tshe mtshams pa bla ma rin chen bzang rang gi zhal nas gsung ba bslu med ltar gdul bya dus su babs pa la nam yang dus las mi yol ba'i mdzad 'phrin de lta bu ste rang cag bu'i gdul zhing du ma gyur pa gang dag la rgyal ba nyid kyi mchog gi sprul pa'i zhal dngos su bzhugs kyang ci bgyi mi gda' na gzhan sus kyang lta ci 'tshal te | rang rang gi las ngan