[A:41] rnying sogs kun la mkhas | khyad par paN chen nam mkha' dpal bzang la dus 'khor gyi chos skor gsan pas nyams rtogs rgyas | spyan gzigz sogs yi dam po'i zhal gzigs | mdog gi sman sdeng dang | gzhad re bo gru 'dzin sogs dgon gnas mang du btabs | thugs rje chen po'i dmar khrid dang | sbyor drug khrid yig sogs kyang mdzad do | | 'di'i slob ma rje kun dga' grol mchog ste lo rgyus sku phreng gi skabs su 'og nas gsal ba ltar ro | |
26. de'i dngos slob mkhan chen lung rigs rgya mtsho | nyang stod du sde pa gtsang khang pa'i sku rus su 'khrungs | gser mdog can du mdo sngags gsan sbyang rgya cher mdzad | khyad par rje kun dga' grol mchog la dus 'khor gyi dbang rgyud man ngag mtha' dag gsan | ma 'ongs lung bstan yang srid ngos 'dzin sogs kyi zhal bkod dang | rgyal rtse'i mkhan por mnga' gsol | gzhan spong khang 'tshogs pa sogs kyi mkhan po yun ring bzhugs | rje dam pa'i yang sprul khri 'don mdzad nas bka' chos thams cad phul grub ste thugs dgongs rdzogs nas 'das tshul bstan no | |
(2) rje btsun kun dga' snying po'i skye rabs dang mdzad 'phrin |
de nas nges don bstan pa 'dzin pa'i skyes chen rje btsun chen po kun dga' snying po bkra shis rgyal mtshan dpal bzang po'i sku phreng dang 'brel ba'i mdzad pa mdo tsam brjod na | skyes rabs dang | mdzad tshul gnyis las | dang po la ngo mtshar ba'i skyes pa'i rabs bcu gsum las |
dang po ni spyir rje btsun chen po khyab bdag 'khor lo'i dbang phyug gang nyid kyi gsang ba gsum dpal ldan 'khor lo sdom pa dang mi gnyis pa'i ngo bor rtag par bzhugs pa la gang 'dul gyi mdzad pa thun mong spyi'i khams dbang dang mthun par ston pa'i rim pa thog ma rgya gar du slob dpon paNTita 'ba' ba'i gtso bo'i sku'i skye ba bzhes te | 'phags pa klu sgrub yab sras kyi zhal lung bdud rtsi gsol ba'i skal bzang can tu gyur te sde snod gsum dang rig pa'i gnas lnga dag la mkhas par sbyangs pas de kun byang chub ste mkhas pa'i mthar son | yi dam lha mo sgrol ma la brten nas dngos grub brnyes | phyis dpal nAlendra'i gtsug lag khang du mu stegs rta dbyangs kyi grub mtha' 'dzin pa'i phyi rol pa'i paNTita rtsod pa'i khyu mchog tu grags pa tsakrawarti zhes bya ba lhags te rtsod pa sna tshogs kyi tshig smras pa na | bdag nyid chen po nyid kyis thogs pa med pa'i lan dang lung rigs rgya che bas tshar bcad de nus mthus pham par byas nas phas kyi rgol ba las rnam par rgyal ba thob pa sogs bstan pa rgya cher spel mthar | sku 'da' ba'i khar | klu sgrub dpal gyi ri bor gshegs | | Aryadeba dbyings su bzhud | | shAkya bshes gnyen