[A:488] bsnyung yang mtshams shig nas yar dwangs su song la | khong nyid bar bar 'dzi sribs dgon dang rgu'i na mo che sogs su byon te bzhugs shing kyi nyid kyi snga phyir smra rgyu'i gnas mdun du rdo brkos kyi yon thang mang po bcos nas de lugs kyi rten bzhengs yang mdzad | 'di skor gong 'og gang yang rung bar nyid kyi yab kyang dus las 'das shing de yang sngon dus na ba'i skabs kyi bsrung rim gang dgos dang shi ba'i rjes kyi dgongs rdzogs kyi dge rtsa rlabs che ba dam pa khong rang gis legs par bgyis so | |
rje bla ma gang nyid kyis gsung rtsom gnang ba'i gzhan stong mthar 'dzin gdung 'phrog sogs kyi yig cha phyis shig tu mgo log phyogs su thon pa a mdo dge bshes 'jam dpal rol pa'i blo gros kyis gzigs rtog mdzad dus thugs shin tu dgyes te | rtsod grwar ma zhugs par gzhung la 'di 'dra'i zhib bshad thon pa ches mtshar zhing rtags gsal gyis dpyad pa phra zhing zab pas phar tshad dang sngags kyi de nyid mchog gi dgongs don dpyis phyin tu 'chad tshul 'di 'dra ni bdag nyid chen po 'ga' ma gtogs gzhan mkhas par rlom pa dag gis ji bzhin thon nges par dka' tshul gsungs nas khong nyid kyis yig cha de dpe bcad nas yongs spel gyi thugs khur kyang mdzad la | rjes sor dge bshes chen po de nyid bod ljongs kyi lha ldan sprul pa'i gtsug lag khang chen po'i nye 'dabs bde gzhung sman rtsis slob grwa khang du legs bzhugs mdzad skabs su khong nyid kyi zhal nas | dam pa 'di la che ba'i bsngags brjod kyi me tog dus su rgyang ring nas 'thor bar mdzad pa yang | dge ba'i bshes des rje 'di la gsol 'debs zhabs brtan smon tshig bcas kyi gsung rtsom legs gnang gi skabs su 'di skad | mdo sngags yongs su rdzogs pa'i dgongs don rigs pa dri ma med pa'i lam nas byang chub cing thos don rgyud la sbyar te dben pa'i gnas su tshe dang sgrub pa mnyam par mdzad cing khyad par phyi nang gzhan gsum dus kyi 'khor lo'i dgongs pa byang chub sems dpa'i 'grel pa skor gsum dang mthun par lung rigs kyi lam nas 'chad pa la deng sang gi dus na 'gran pa'i zla dang bral ba shar 'dzam thang pa ngag dbang tshogs gnyis rgya mtsho gang gi | zhes pa'i che bsngags dang rje gang nyid gzhung lugs rab 'byams kyi don ji bzhin bshad pa dang sgo kun nas bsod nams dang gnas lugs rtogs pa'i ye shes zab mo mtha' yas pa'i sgrub brgyud kyi bcud bzang po nye bar 'dzin pa'i dpal ldan bla ma mchog yin tshul | ji skad du | rab 'byams gzhung lugs 'doms pa'i ngag la dbang | | bsod nams ye shes tshogs gnyis rtser son cing | | bshad dang sgrub brgyud rgya mtsho'i bcud 'dzin pa'i | | mtshan ldan rje btsun bla mar gsol ba 'debs | | zhes dang | yang rje nyid 'phags bod kyi gzhung lugs mang po'i don thugs la chub cing de yang ma rtogs log rtog gis ma bslad par dgongs don ji bzhin blo gros mchog gis gting dpog bzhin phyi nang ma 'dzol bar rang gis nyams len yang dag dang gzhan la ji bzhin bshad pa'i don gnyis khyad