[A:491] pa'i rang bzhin ni gtad so myong zhen sogs kyi spros pa kun bral smra bsam brjod pa las rnam par 'das pa zhig gnad du che tshul zhib par gsungs la | de nas rjes sor zhig tu khong gtsang pa'i sgrub grwa gong mar phebs te | gang nyid kyis sgrub po mu mda' bla ma gsal bzang | mgo log bla ma mkhyen ldan sogs la nyid kyis mdzad pa'i tshangs spyod bsrung tshul mi rtag rgyud bskul bcas dang | tshe dpag med bdag bskyed | rdor shugs bdag bskyed chung ba | tshe 'gugs | sbyor drug zin bris sogs kyi bklag lung yang gsungs | sbyir na khong nyid kyis skabs su ma babs pa'i snod du mi rung ba dag la nges khrid bcas yod | ces chos khrid gang yang mi gsungs pa yang bar bar du mdzad 'dug |
de lta bu'i tshul gyis lo lnga drug tsam song nas nyid dgung lo nga bdun gyi dus su slebs pa na thub pa'i bstan pa snga dar gyi mjug snyigs ma lnga bdo ba'i dus kyi rang rtags ches mi bzad pa mtha' yi dmag gi dpung gting nas rgyang bskyod byas te bstan 'gro'i legs tshogs rim pas 'grib pa la nye ba'i mgo brtsam ste yul 'dir dus log gi zing cha lhag par che bas khong nyid kyang rang gnas su bzhugs long ma byung bas lo der mgo log phyogs su phebs pa na paN chen rgya yul nas yar phebs pa dang 'dzoms pas khong gis gtsang paN chen blo bzang chos kyi nyi ma'i zhal snga nas | shambhala'i smon lam sogs kyi chos 'brel dang | khra dge slong tshul khrims dar ryas kyi mdun du 'jam dbyangs bstod sprin rgya mtsho'i bklag lung sogs chos bka' ci rigs pa yang gsan par mdzad | | khong gis de phyogs kyi rang re'i nges don sgrub brgyud kyi bstan pa'i rtsa lag gdung yangs bla ma'i chos sgar du yod pa'i bla grwa ci rigs la gang 'tsham gyi chos bka' re 'nga mdzad cing | bla grwa de dag gis rtogs 'bul bcas kyis rje dam pas thugs mgu yang gnang | | khong nyid kyis skya byang la 'ba' mda' bla ma'i gsung gi phar tika chung ba par du brko ba'i thugs bskul gyis bstan pa'i chos gzhi rlabs chen grub pa bstan 'gro la legs spel gyi sgo yang ci rigs byung la | lo de'i mjug tu khong nyid rang gnas ri khrod du phebs nas legs bzhugs mdzad de dgung lo nga brgyad pa la rje bla ma gang nyid kyi mdun drung du chos mched mchog gyur dge slong blo gros rgya mtsho dang lhan cig phran tha shal ba rang yang rje dam pa'i zhal bzang nye bar mjal ba'i skal ba dang ldan te gang gi thugs brtse ba chen pos rang cag rjes su bzung ste | bka' las bsdus grwa spyi zur bcas kyi bshad khrid legs par gnang ba'i 'go tshugs pa nas bzung dgung lo nga dgu yan gyi bar la khong gis bka' drin zla dang bral bas rang cag legs bskyang mdzad pa yin la | de dag gi skabs su rje nyid kyis drang rigs kyi rnam bshad rgyas pa'i rtsom 'phro dang | bsdus zhib nor bu'i me long gi 'phro yang legs grub kyis mjug rim pas rdzogs par bgyis shing | blo sbyong sogs chos bka' ci rigs gzhan la gang mkho bzhin gyis re skong dang bcas rtsom pa gzhan yang sgrol chog maNDala gyi lhan thabs zung dang |