[A:492] sa lam rnam bzhag phran bu | rgyud sde rgya mtsho'i rtsig thig sogs dgos mkho du ma'ang bar bar rnams su gsung rtsom mdzad |
spyir yang rje dam pa mchog gi gsung rtsom gyi rim pa la gong du smos pa rnams dang gsang sngags nyams len gyi tshul | rtsa lhung rnam bshad | bde chen zhing gi rgyu bzhi'i rnam bshad 'od chog bcas sogs khyon bsdoms glegs bam drug la nye ba tsam yod par mngon | 'dzam ngos bla ma kun dga' ngag gi dbang po'i zhal nas rje 'di nyid lta bu'i yon tan mchog legs par mnga' ba ni rgyal ba paN chen lta bu zhig yin kyang de las lhag pa dka'o snyam |zhes gsungs pa ltar dam pa gang des bshad dang sgrub pa'i rgyal mtshan gzhan las mngon par 'phags pa deng dus su 'gran zla dang bral ba'i tshul gyis 'dzin skyong spel gsum gyi mdzad sgo shin tu yangs par ma zad khong gi nye 'khor du sdod pa'i rang cag lta bu rnams la'ang nyid sku'i mdzad spyod kyis sems bar bar 'phral du bsgyur te 'khor ba la skyo shas nges 'byung gi rnam pa'i blo 'bad med shugs 'byung du skye bar mdzad pa dang khyad par rje gang gi drin las rang blo bstan pa la cung tsam phyogs shing dam pa'i chos rgyab phyogs kho nar ma song bar rang gi dbang po dang 'tsam pa'i chos blo nyag tsam gtan med du cung ma yal ba'i ngang tshul da lta rang la dbang tsam 'di ka nyid gtan gyi phan pa legs par stsol ba yin pa sogs la bsam na rje dam pa'i bka' drin bye ba'i cha yang tha chad rang lta bus nam yang 'khor thabs ga la yod |
rje khong gi thugs kyis 'gro ba spyi'i sdug bsngal bzod dka'i gnas mtha' dag la zhib gzigs kyi sgo nas shugs drag po'i sdug bsngal de dag la bdag gis 'gro kun bsgral 'dod kyi snying lhag par brtse ba thugs gting du kun nas mched pas rang dbang med par bar bar spyan chab yang yang byung zhing sku bzhugs tshul rgyun du sdug bsngal ba'i rnam pa dang dman sa khengs bskyungs pa kho nas dus 'da' bzhin dge ba'i bshes gnyen glang ri thang pa'i mdzad pa dang dman sa khengs bskyungs pa kho nas dus 'das bzhin dge ba'i bshes gnyen glang ri thang pa'i mdzad pa dang rnam pa kun nas khyad med du legs bzhugs mdzad cing sku tshe gang bor dad gshin gyi rdzas chen po gang dang ma 'brel zhing nyid kyis bar bar rnams su phur pa sogs sku brnyan ches mang rang gzhan gang dag gis legs bzhengs kyi sgo nas sku khang thog tshad gcig pu'i nang du sku brnyan de dag bzhugs su gsol ba sogs kyis bya ba las kyi 'khor lo'i bsags sgo ci rigs kyang mdzad | 'di skor zhig tu a gter dpa' bo chos dbyings rdo rje byon nas gter ston nyid kyis rang gi gter kha'i thang stong rgyal po'i lugs kyi tshe dbang | rje dam pa nyid dang rang cag bcas la legs par gsung shing gter ston khong gis gter lung las | sngon dus grub chen lwa ba che | | zhes sogs kyis rje gang nyid sngon gyi dus su 'phags yul du grub thob lwa ba'i na bza' can sogs paN grub du ma dang | bod phyogs su rje tsong kha pa'i thugs sras rgyal tshab dar ma rin chen gyis mtshon mkhas