[A:493] shing grub pa'i skyes chen mang po'i rnam par byon nas bstan 'gro la rlabs chen ngo mtshar ba'i mdzad sgo nye bar gnang tshul gyi rdo rje'i lung 'gyur med dus stsal cing | 'di skor ci rigs su gter ston urgyan 'phrin las gling ba'am a gter mchog gis sngar sras mda' na rdor sems lha khang bzhengs yod pa la nyer mkho'i smon tshig gter ston nyid nas ched bskul ltar rje dam pas smon lam dge legs mchog stsol zhes bya ba'ang gsung rtsom du gnang | rje dam pa gang gis snga phyi du mar thugs mngon shes kyi lkog gyur mang po'i yin lugs gzigs tshul sogs kyi yon tan rlabs chen gzhan yang ches mang na'ang nyid kyi zhal snga nas gsung zur tsam las rang gi yon tan mtha' dag gab cing mi mngon pa'i tha mal phal gyi tshul kho nas gsung zur tsam las rang gi yon tan mtha' dag gab cing mi mngon pa'i tha mal phal gyi tshul kho nas sku tshe dus 'da' zhing nyung gsal gyi cha yod pa gang dag kyang 'dir khungs ji bzhin ma rnyed pas 'bri ba'i rngo ma thogs la | 'on kyang nyid kyi sku mdun du bcar sdod dag gi gnas tshul ma zad sngon khong nyid 'dzam thang gtsang pa'i gzims khang du byon skabs shig la khong gis phyag mdud cig slob bu zhig la bskur te | zhal nas | bsrung mdud 'di gtsang sde'i to tsa sang gi byis pa chung skyes de la 'phrod du chug | nam zhig byis pa des yi ge zhig slob na nges par bzang tshul gyi gsung 'phros kyang gnang la bu chung des rjes sor de ltar byas shing rim pas chos la zhugs nas da lta rang dang 'phrad de ser tsugs bzang po'i ngang tshul gyi sgos blo phug legs brtan gyis chos la don gnyer sgo gang thad nas deng dus la ltos na kho rang dang na mnyam phal las 'phags shing nga rang gi 'ang chos kyi brtse zla drin lhag par che ba can du gyur pa 'di ga mthong chos mngon gsal du yod pa sogs 'di 'dra'i tshul phran bu da dung 'ga' re yod mod re zhig de tsam las ma spros so | |
dgung lo drug cu'i mjug tsam na rje dam pa mchog bka' drin can gang gi sku drung du | tsha kha'i bla ma 'jigs med 'od zer | ka thog bla ma chos dbyings | a gya bla ma tshul khrims bzang | phran kho bo bcas kyis bsdus grwa'i spyi zur slob gnyer gyi skabs rje dpal ldan bla ma gang gis thugs brtse ba chen pos bshad khrid legs gnang gi bka' drin gyis bskyangs shing tshul de lugs kyis khong nyid bshad sgrub zung 'brel gyis dus 'da' bzhin legs bzhugs kyang mdzad | de skor snga phyi ci rigs su khong gis rdo'i g.yu thog dgon gyi rdo rje slob dpon mkhyen rab rgya mtsho byon nas de la mdo sngags sman sogs kyi don la dogs gcod gang yod dag zhib par bka' stsal te the tshom legs bsal gyi sgo nas nyid kyis mdzad pa'i mi rtag rgyud bskul bklag lung yang gsungs | bser skor srib ma'i bla ma shes rab dpal sogs la dus 'khor yongs rdzogs kyi dmigs khrid rgyas pa dang | mu mda'i bla ma gsal bzang sogs la chos bka' ci rigs pa'ang dus dus su gsungs so | |
de nas rje dam pa dgung grangs drug cu re gcig rab byung bcu drug pa'i nang tshan lcags 'brug gi