[A:496] ldan thig le'i zer la chibs | | byang phyogs gangs kyi nye 'dabs 'gro | | zhes byung ba dang legs par mthun pa'i phyir | de lta bu'i ngo mtshar rmad du byung ba dang bcas sku gdung zhugs 'bul gyi mthar gdung khang dam rgya phyag mchod sogs zhag bdun phrag du mar slob tshogs kyi nyer bgyis legs grub mthar gdung rus bsdu skabs gdung la na bza' gsol ba'i kha btags yug gcig mes ma tshig par lhag yod pa sogs kyi rtags bcas dgongs mchod kyang zhag zhe dgu'i bar rgyun mi chad par byas shing de rjes su 'dzam thang gtsang pa'i pho brang gi gser khang du mgar bzo mkhas pas rin chen gnyis pa'i rgyu las mchod rten cha brgyad khyad mtshar can bskrun cing gser zhun khu bas lantsa'i yig gzugs la nye bar byugs te g.yu byur sogs rin po che gya nom pa mang po'i phra rgyan gyis legs mdzes khyad du 'phags pa dpal gyi 'dzam thang du phyis 'byung thugs rten gsar bzhengs kyi rim pa rnams las kun gyi smon gnas mchog tu nges par gyur pa de'i nang du zung 'jug gdung tsha sku brnyan sogs kyis phyur bur bkang ste rab gnas dga' ston mtha' rgyas sogs rje dpal ldan bla ma'i slob tshogs rjes 'jug gang dag gis rlabs po che'i rnam par dkar ba'i bsod nams mchog gi bsags sgo kun nas che rab kyi bya ba phul byung gis rje dam pa'i mdzad pa legs mthar phyin pa ste | gang gi thugs sras bu chen gyi rnam grangs rags rim tsam ni gong smos dag gis shes nus pa ltar ro | |
rgya bla ma ngag dbang dkon mchog |
20. gtsang chen sku phreng gsum pa'i thugs sras rje gtsang pa dge slong gi dngos slob yar thang rgya bla ma ngag dbang dkon mchog zhabs pa gang nyid kyi tshul yang khong nyid mgo log rgya sang la sku 'khrungs nas sku bskyed bsrings rjes klog slob sogs nas rim pas chos gral du legs zhugs mdzad pa ste | de yang dpal gyi 'dzam thang gi gtsang chen pho brang na bzhugs pa'i rdo rje 'chang ngag dbang chos 'phel rgya mtsho'i sku drung du dam pa 'di nyid sku na gzhon dus su phebs te rje nyid dam pa'i mgon du legs bkur gyi sgo nas rdo rje'i rnal 'byor sbyor ba yan lag drug gi smin byed dbang dang grol byed lam rim gnyis kyi dmigs khrid cha tshang zhus nas lo lnga'i ring ji bzhin nyams len gyi skabs su rje bla ma gang gis dam pa 'di la dbang khrid sdom pa 'bog pa sogs kyi tshe mtshan ngag dbang dkon mchog ces gsol ba nas bzung dang po dben gsum gyi dus su thugs la zhi gnas brtan po'i nyams dang gsal stong rig pa rjen char du ngo 'phrod pa sogs dang | sor sdud skabs su 'od gsal snang ba rab 'byams dang khyad par khro zhal mthing sngon 'jigs su rung ba'i gzigs snang 'od gsal rtags bcu gsal zhing brtan pa dang rnam kun mchog ldan gyi stong gzugs thig le mthing sngon 'od lnga'i mu 'khyud can sogs mthong zhing bsam gtan skabs gzugs sems dbyer med kyi shes rab rtog dpyod dga' bde'i nyams khyad par