[A:504]
bla ma smon lam bzang po |
22. gtsang chen sku phreng gsum pa'i thugs sras thu bo dge slong rin po che'i dngos slob tu gyur pa ni ngag dbang chos 'byor zhabs pa ste | gang de'i thugs slob rang re'i chos brgyud la bka' drin che ba ni gdung yangs bla ma smon lam bzang po yin zhing | dam pa mchog de'i lo rgyus cung tsam bsnyad pa la | rje 'di nyid mgo log phyogs kyi gdung yangs zhes par me phag lor sku 'khrungs | de nas sku na rim gyis bskyed de re zhig gi tshe yi ge'i klog bslabs nas rang yul gyi srol dang bstun pa'i 'don cha gang dgos rnams kyang shes pa byung | de mtshams shig nas dpal sprul dgon du song nas lha sprul gyi mdun du rnying phyogs kyi sngon 'gro cha tshang dam pa 'dis zhus nas nyams len gyi chos 'go yang tshugs de dus su lha sprul mchog gis dam pa nyid la smon lam bzang po zhes pa'i mtshan gsol zhing rjes sor 'dzam thang phyogs su song na sngon 'brel gyi bla ma de na yod pas phugs kyi don che tshul sogs kyi bka' lung gsal por byung ba ltar de rjes mi ring ba na 'dzam thang gtsang pa'i gzims khang du chos thun la chas pa'i nub cig tu khong gi rmi lam du spang ljongs me tog sna tshogs pa'i skyed tshal na me tog chen po zhig yod pa'i ze'u 'bru la khong nyid bzhugs pa'i rmi nyams kyi ltas byung zhing | de skor du'ang rang yul gyi nor phyugs dag la god nad phog tshe dam pa 'dis dkon mchog la skyabs 'gro zhi gting nas byas pas nor nad la phan thogs che ba'ang byung |
dgung lo nyer gcig tu 'dzam thang gtsang chen gzims khang pho brang du rdo rje slob dpon chen po ngag dbang chos 'byor zhabs pa bzhugs pa'i mdun du song nas rje bla ma gang nyid dam pa 'dis dge ba'i bshes gnyen du bsten nas rdo rje'i rnal 'byor sbyor ba yan lag drug gi dbang lung zab khrid mtha' dag zhus te gong ma'i phyag srol bzhin nyams bzhes mdzad skabs dam pa 'di la gus rtag gi brtson pa gzhan phal pa rnams las nges par rgya che zhing 'dis mnyam rjes thams cad du g.yeng ba'i go skabs rnam par bcom ste thugs nyams su rdo rje'i rnal 'byor sgom pa la nan tan chen po mdzad cing | nyin cig dam pa 'di la ye shes phebs te 'phar g.yo byung ba'i tshe nye 'khor la yod pa'i mched grogs 'ga' re la'ang rkyen des 'phral du ye shes pheb cing nyams rtogs la bogs bskyed thon pa sogs kyi byin nus che zhing | srog rtsol rlung rgyug gi skabs su bum can zin pa'i tshad kyang rab las lhag pa'i yang rab tu gyur cing | de dag gi skabs su rje bla ma de nyid kyi drung du dam pa 'di la | gshin rje rab 'byams | rin 'byung | phur pa'i stod las smad las kyi dbang | dus 'khor dbang chen | naigu'i dbang bka' cha tshang | gcod dbang nam mkha' sgo 'byed sogs chos bka' yang mang tsam thob | de bar zhig la gtsang pa'i sgrub grwar rje nyid bzhugs skabs nyin cig thugs snang la lha 'dre ches mang pos kha lag bzed