[A:513] mtshig pa dang phyis su slob 'ga'i phyag tu yod pa'i gdung rus dag la ring bsrel yungs 'bru lta bu mang du byung zhing gdung rus mang dag gis gdung tsha bcas sogs dngul gyi mchod rten che ba rin po che'i phra rgyan mtshar bkod can gyi nang gzhug tu bzhugs par gsol nas 'dzam thang gtsang pa'i gzims khang du spyan drangs te mchod pa'i rten du legs bzhugs su bgyis shing rje nyid rtogs pa mchog brnyes pa'i skyes chen du nges phyir slob tshogs kyis thun bzhi las bzhi byas pa bas khong nyid kyi zhabs phyi legs bgyis byed mkhan byas na nyams len gyi rtogs pa skye tshabs des che zer ba'i srol yod pa ltar don la'ang gnas pa'i dge ba'i bshes gnyen gsum ldan rdo rje 'dzin pa mchog gyur cig ste | dam pa 'di'i thugs slob sbyor drug sngon 'gro'i skabs nas kyang ye shes phebs pa'i 'phar g.yo ba mang ba sogs sgo gang thad nas nyid zla dang bral ba'i deng dus kyi rdo rje slob dpon khyad par du 'phags pa nyid kyi phyir ro | | gang gi slob chen mkhas btsun bzang po'i dpal mnga' zhing mtshan brjod sum khri dang yig drug dung phyur ngag thog nas mdzad mkhan sbu tsha bla ma ye shes bzang dang | sbyor drug lan drug dang phyag bye ba mdzad mkhan gsa' stag bla ma chos rab | rtogs ldan skye mtho rgya bla ma pad rnam sogs bla chen mang po dang | a mkhar sprul sku | khra dge'i sprul sku | sba gsar sprul sku sogs sku skyes kyi mtshan thogs pa'ang mang du byung la | spyir mgo log pyogs su rje dam pa gang las kyang sngar gtsang pa'i rdo rje slob dpon lha ba bla ma'i dngos slob skyabs bla ngag bzang zer ba gdon bgegs stobs chen zil gyis gnon pa'i mthu nus che ba zhig byon pa des kyang sbyor drug gi chos sgar btsugs nas bstan 'gro'i don la thugs khur bzhes mod rje nyid lta bu'i mdzad sgo'i cha rgya mi che ba ma zad rjes sor yang gtsang pa'i rdor slob rab kha bla ma'i slob ma rong ba bla ma rin chen rgya mtsho dang | sa dmar dgon gyi rdor slob bla ma snyan grags kyi slob ma khang gsar bla ma blos bzang sogs de 'dra ci rigs kyang byung ste de dag gis rang re'i chos brgyud 'dzin skyong spel gsum mdzad kyang rje bla ma mchog gi 'phrin las kyi cha tsam bskrun dka' bar gyur to | |
mkhan chen gsang sngags rgya mtsho |
23. de 'dra'i mdzad pa rlabs nges par che ba'i rdo rje 'dzin pa 'gro 'dren gyi phul bstan pa'i rtsa lag rje ngag dbang smon lam bzang po gang gi rgyal tshab mchog tu gyur pa lung dang rtogs pa'i dbang phyug mkhan chen ngag dbang gsang sngags rgya mtsho zhes bya ba yang khong nyid 'khrungs yul mgo log gong ma'i mnga' 'og lam ko zhes pa'i tsho sde yin la | de nas sku na tshod rdzogs shing klog sogs shes pa'i mtshams shig nas 'dzam thang gtsang pa'i gzims khang du rdo rje slob dpon ngag dbang don ldan zhabs pa bzhugs pa'i drung du phyin nas rje bla ma de nyid dge ba'i bshes gnyen bka' drin gsum ldan gyi rtsa ba'i bla mar dam pa 'dis legs bkur bcas kyi sgo nas zab lam rdo rje'i rnal 'byor ba yan lag