[A:515] dag gi thad chos bka' gang dgos kyis rogs rem dag gsal gdab ci dgos thugs khur blangs bzhin rang nyid kyis bshad sgrub zung 'brel las gtso bor bshad grwa ba'i slob dpon mdzad bzhin lo kha shas kyi ring de lugs ltar gyis bzhugs la de nas mi ring bar rje smon lam bzang po gang nyid kyis rang gi rgal tshab tu mkhan chen khong nyid 'jigs med rdo rje'i khri la mnga' gsol nas gzugs sku chos dbyings su legs bsdu mdzad rjes su de lugs ltar gyi mkhan po rang gis rdo rje slob dpon gyi thugs khur bzhes te chos sde spyi'i zhal bdag mdzad bzhin sbyor drug pa chos tshan snga phyi yod tshad dang | naigu ba dang | rdor sems sgrub grwa dang | gzhan bskyed rim pa sna tshogs sgrub brgyud gtso bo 'dzin skyong spel ba dang chabs cig tu dbu phar sogs bka' pod dang sngags rim sogs sngags kyi gzhung lugs gang dgos dag ste mdo dang sngags kyi gzhung lugs kyi bshad bka' rgya che ba nam yang chad med lta bu'i tshul gyis lung sde snod kyi bshad grwa legs bskyang gi sgo nas tha na rig gnas phra mo tshun gyi srol rgyun nyams med bcas kyis lung dang rtogs pa'i bstan pa sgo thams cad nas sngar las lhag par gyur cing de yang sgrub sde so so chos tshan pa nyi shu sum cu lhag re dang bshad grwa ba'ang sum cu sogs grangs mi nyung ba ches ha cang rgyas pas kun gyis rang re'i chos grwa 'brog khul du yod pa 'di 'dra sngar byung myong dka' ba'i che bsngags dang bcas snang ba ha las pa'i smon gnas mchog tu nges par gyur te | 'di skor rje mkhan chen mchog gi bka' drin gyis mgo log phyogs kyi sa khul la rgyal ba jo nang pa'i rang lugs kyi bshad sgrub zung 'brel cher rgyas kyi dge mtshan legs tshogs sngar med gsar pa rlabs chen sgo kun nas 'bar zhing khyad par chos grwa 'dir mtshams sgrub pa rnams rang rang gi chos tshan ltar chos thun so so'i thun bzhi las bzhi 'chag med kyi bya ba dang bshad grwa ba thams cad kyang rang rang gi chos tshan gzhung lugs gang la 'chad nyan dang gshar sbyang byed yul dag la de lugs ltar skyor sbyang gis chos la thos pa slob gnyer kun spyod gtsang mas nye bar byed tshe gang thad nas dad ldan dang ba 'dren pa'i dmigs rkyen du legs par gyur nges kyi rang lugs bstan pa sgo thams cad nas rab tu gsal ba'i mdzad bzang snyigs dus smag rum khrod du ches lhang nger mngon gyur yod pa de ka ltar ro | |
de dag gi skabs thams cad du rje mkhan chen dam pas chos sde de'i slob tshogs thams cad la dbang lung man ngag gi zab khrid ci dgos dang gzhan gzhung lugs kyi bshad khrid gang dgos pa mtha' dag legs par dus su 'doms pa'i mdzad chen ches ya mtshan pa slob tshogs gang dag la nam yang ris su chad min du sngar rjes lo grangs brgyad tsam gyi ring du bshad sgrub zung du 'brel ba'i bstan pa rlabs chen gyi rgyun legs par bskyang bzhin bstan 'gro'i phan bde'i dpal du nye bar bzhugs pa yin na'ang mtshams shig nas dus kyi skal ba shin tu dman pa'i rang rtags dar la bdo ba'i skabs su slebs tshe