[A:516] bstan dang 'gro ba'i legs tshogs gnam 'phang gi nyi zer dang 'gran pa la chas dus na dus dbang gis 'dzam gling yangs pa'i rgyal khams ches mang po 'pho 'gyur chen po'i gnas skabs tha dad pa gshis kyi 'gyur ldog tshabs chen gyi dbal zur bzod dka' bas de dag gi gzhi na 'khod pa'i skye dgu mchog dman yod do cog mnyam par brdal pa'i stobs shugs kyis der gnas bstan 'gro'i legs dge cig char gzhom pa'i skabs su babs tshe sngon las shugs btsan bzlog dka' ba'i gnas su red nas 'di na rang re'i bstan pa'i rtsa lag mkhan rdo rje 'dzin pa chen po gang nyid kyang dus kyi g.yul chen bdo ba'i dpung gis dbang med du bcings nas yul zi ling phyogs su 'phral du gzugs sku'i me tog yal bar gyur pa ste | gang gi thugs kyi bu chen bstan la phan thogs chog pa du ma re byung ba sogs kyi tshul yod pa ni gong smon rnams kyi cung tsam shes nus so | |
3. jo nang pa'i lugs rnga yul phyogs su ji ltar byung tshul |
(1) rnga yul gyi se dgon pa'i lo rgyus |
da ni sngon dbus gtsang rtag bstan dgon du rje btsun tAranAtha sku dngos bzhugs pa'i dus dang gang gi dngos slob rgyal tshab kun dga' rin chen rgya mtsho'i dus kyi rim par mdo khams smad rnga yul phyogs su chos nges don sgrub brgyud kyi bstan pa ji ltar rim pas dar tshul chos 'byung dkyus su byung ba bzhin las 'dir gal che ba 'ga' zhig cung gsal tsam brjod par bya ba ste | de yang rnga yul phyogs kyi rang re'i chos brgyud 'dzin pa'i dgon sde thog ma rim pas byung ba ni se dgon dang 'brog dge dgon gnyis te chos sde chags tshul gyi go rim ni | deng dus kyi se dgon las 'brog dge dgon pa snga shos yin kyang sngon thog mar se 'brog gi rang re'i chos grwa ba jo nang du byon pa rnams las snga ba ni se dbon lhun grub sogs dang | de nas rim pas 'phyi tsam na 'brog dge kun dga' dpal bzang sogs kyang de lugs bzhin gyis jo nang du phebs pa yin pas khams phyogs nas jo nang dpal du rje btsun thams cad mkhyen pa'i sku dus man nas chos zhu rim phebs kyi tshul las brtsams te 'dir chos 'byung gzhung las cung rgyas su brjod par bya ba yin la | de yang rnga yul gyi se sang gi gnas tshul thog mar sngon gyi dus su rnal 'byor gyi dbang phyug grub pa mchog gi gnas su legs par son pa zhi sgom chen po 'khrul zhig grags pa zhes bya ba gang nyid yar 'brog mtsho mo'i gnas na nyam bzhag nam mkha' lta bu'i rnal 'byor la legs bzhugs mdzad skabs shig tu nyin zhig rje rnal 'byor chen po grub thob mchog gi thugs snang ngor ma mkha' 'gro'i bka' lung las | khyod mdo khams rma gnyan phyogs su song dang 'gro don