[A:519] gzhi bcas bsrung mar legs bsten mdzad pa yin la | de rjes shig nas rim par byon pa se bong dge sprul pa'i sku dang | se dpal rdor sprul sku | se dge bshes byang chub chos dar | se sprul sku ngag dbang bstan pa | se mchog sprul yon tan lhun grub kyi bar dag gis nges don sgrub brgyud kyi bstan pa sgo kun nas legs bskyang mdzad la | sngon se 'phrin rgyam de nyid se sribs phyogs su bzhugs te khong gi sku ring tsam nas mthar nyid kyis gzhi'i sgar kha'i cha rkyen mtha' dag 'dzi yul gyi yag mdo'i gtsang pa 'gab ma'i bdag gzung mkhan kun bzang 'phrin las kyi dbon lhun grub rgya mtsho'i phyag tu legs gtad mdzad nas de phan chad du se phyogs la chos gzhi dang brgyud 'dzin gang yang ma byung ngo | |
spyir gong smon ltar se bla rabs dang rme'u dpon rabs gnyis bstan 'dzin dang sbyin bdag gi 'brel che zhing de lta bu'i rme'u dpon khag kyang sngon chad sog dmag gis yul khams dbang bsgyur skabs dpon phran yin zhing de rjes yan gung rgya dmag gis dbang bsgyur dus su rgya de nyid kyis dpon chen du bskos nas de rjes mi ring ba me rta'i lor gong ma tA lo ye nas cho lo 'ja' sa rme'u dpon 'di la legs gnang gi sgo nas sngar las go gnas mtho zhing stobs shugs dabng thang je cher song la | tshul de lugs kyis se rme'u mchod yon du gyur ngos nas 'di skor de mtshams kyi phyis shig na rme'u rgyal lcags thar 'bum bka' blon mo ba phun tshogs bcas dang a skyong bde sgrol sogs lhan rgyas nas bka' mol zhal mthun gyis rnga yul dgon sde se nyin sribs | mkhar sog po | rtsi yag bcas kyi grwa sde thams cad phyogs gcig tu bzhugs pa'i chos gzhi dgon pa zhig gsar 'debs kyi gros 'cham byung ba nas bzung 'brog dge kun dga' yon tan rgya mtsho gtsor bzhugs kyi 'dus pa mang po rgyal blon bcas kyi bka' mthun sgo nas chos gzhi de lugs gsar 'debs kyi don thad 'dzam thang gtsang chen pho brang du sgrub brgyud 'dzi pa'i rdo rje slob dpon kun dga' ngag dbang dpal ldan zhabs pa 'jigs med rdo rje'i khri la zhabs sen nye bar 'god pa'i skabs su lung bstan zhu ba'i pho nya ba nga mir btang bas rdo rje slob dpon mchog gi thugs brtag gi bka' lung gsal pos | dgon de 'dra gsar 'debs byas na gnas skabs gegs bral nam phugs bzang nges kyi 'gyur med lung bstan legs par byung ba'i gnang sgo dus su nye bar mdzad cing | de dang mthun par sngon byon gter chen gsang bdag ye shes mgon po'i thugs dag snang ngor dgon gzhi'i gnas de nyid du chos kyi 'khor lo chen po g.yon du 'khor ba gzigs pas de lugs bzhin ma 'ongs pa na gnas der ma rgyud sgrub pa'i sde bzhugs gnas kyi chos gzhi nges par chags 'ong tshul gyi gter lung yang khong nas stsal ba ltar phyis byon rig 'dzin rnam snang rdo rjes kyang dpal 'khor lo sdom pa'i bskyed rdzogs legs sgrub kyi dgon gnas su tshul de gar bsngags pa'i tshig gi me tog mngon par 'thor ba dang | gzhan yang rdo bla'i dngos slob rig 'dzin 'jigs med rgyal ba mchog